استانا اكىمى اسەت يسەكەشيەۆكە جەرگىلىكتى تۇرعىن شاعىمدانىپ، قالاداعى ءتۇرعىن ۇيلەردىڭ اۋلالارىندا ۇيسىزدەردىڭ ءورىپ جۇرگەنىن، ولاردىڭ كوشە ورتاسىندا ۇيىقتاپ جاتاتىنىن ايتتى، - دەپ حابارلايدى قامشى اقپاراتتىق اگەنتتىگى Tengrinews.kz سايتىنا سىلتەمە جاساپ. 

بەيبىتشىلىك كوشەسىندەگى №31 ءۇيدىڭ تۇرعىنى قايرات قۇدايبەرگەنوۆ №28 ءۇيدىڭ اۋلاسىنداعى وقيعانى ۆيدەوعا ءتۇسىرىپ، ونى Facebook جەلىسىنە جۇكتەگەن. ول ۆيدەودا اسەت يسەكەشيەۆتىڭ اتىن اتاپ، بەلگىسىز بىرەۋلەردىڭ اۋلادا جايىلىپ تۇرعان جۋىلعان كيىمدى ۇرلاپ كەتكەنىن ايتىپ شاعىمداندى. سونىمەن بىرگە، ول ۇيسىزدەردىڭ اۋلاعا قونىستانىپ العانىن دا كورسەتتى. ۆيدەونىڭ كۇندىزگى ۋاقىتتا تۇسىرىلگەنىنە قاراماستان، ونداعى ادامداردىڭ بارلىعى شىر ۇيقىدا جاتىر.  

الەۋمەتتىك جەلىدە جاريالانعان ۆيدەو بويىنشاقالا اكىمى بىردەن ارەكەتكە كوشتى. كەيىنىرەك ىشكى ىستەر دەپارتامەنتىنىڭ وكىلدەرى دە ۆيدەوعا جاۋاپ جازدى. 

"پوليسەيلەر سول اۋماقتا رەيد جۇرگىزىپ، قۇبىر ۇستىندە ۇيىقتاپ جاتقان ادامدار بەيبىتشىلىك جانە جانگەلدين كوشەلەرىندەگى ۇيلەردىڭ تۇرعىندارى ەكەنىن انىقتادى. ولاردىڭ ەكەۋى بۇرىن استانانىڭ ەسىرتكىگە تاۋەلدىلىك پەن پسيحياتريا وتالىعىندا ءماجبۇرلى تۇردە ەمدەلگەن. بۇل ادامدار مەديسينالىق كۋالاندىرۋ الۋ ءۇشىن ورتالىققا جەتكىزىلدى.

روليك اۆتورىنىڭ زاتتارى جوعالعانى تۋرالى ارىزى قابىلداندى. قىلمىستىڭ بەتىن اشۋ بويىنشا تەرگەۋ ءجۇرىپ جاتىر"، - دەيدى استانا ءىىد-نىڭ باسپا ءسوز حاتشىسى سوفيا كولىشبەكوۆا. روليك اۆتورى قايرات قۇدايبەرگەنوۆ بۇگىن Facebook جەلىسىندە جاڭا ۆيدەو جاريالاپ، استانا اكىمىنە ماسەلەنىڭ جىلدام شەشىلگەنىنە العىسىن ءبىلدىردى.