ورالدا جەرتولەدە تاستالعان بالانىڭ اكەسى بارى انىقتالدى. ارمان ەسىمدى جىگىت رەسمي حات جازىپ بالاسىن وزىنە قايتارۋدى سۇراعان. بۇل تۋرالى قامشى اقپاراتتىق اگەنتتىگى "ۋرالسكايا نەدەليا" باسىلىمىنا سىلتەمە جاساپ حابارلايدى.
بالانىڭ اكەسى ارمان 29 جاستا ول تەنگيز اۋىلىندا جۇمىس ىستەپ جۇرگەن. ارماننىڭ ايتۋى بويىنشا ول ايەل بوسانعان كەزدە قاسىندا بولعان. الايدا ايەل پەرزەنتحانادان شىعار كەزدە ءوز تۋىستارىنىڭ ۇيىنە كەتەتىندىگىن ايتقان.
بالانىڭ اناسى قازىرگى ۋاقىتتا پسيحيكالىق دەنساۋلىق ورتالىعىندا ەمدەلىپ جاتىر. بالانىڭ دەنساۋلىعىنا ەشقانداي ءقاۋىپ ءتونىپ تۇرعان جوق.
«ارمان بالانىڭ بيولوگيالىق اكەسى ەكەنىن دالەلدەۋ كەرەك. ول ءۇشىن بالا اناسىنىڭ مالىمدەسى جەتكىلىكتى بولادى»-دەيدى قۇزىرلى ورگاندار.
بالانىڭ اكەسىنىڭ ايتۋى بويىنشا ول ءوزىنىڭ ەكى اپتالىق بالاسىنىڭ تاستالعانىن ينتەرنەتتەن كورىپ وقىعان.
ەسكە سالساق، 26 ماۋسىمدا ورالدا جەرتولەدە ءسابي تابىلعان بولاتىن. پوليسيا تاستاندى بالانىڭ اناسىنىڭ جەكە باسىن انىقتاعان. ول 21 جاستاعى ەش جەردە جۇمىس ىستەمەيتىن، وقىمايتىن جەرگىلىكتى تۇرعىن بولىپ شىققان. قىلمىستىق ىسكە قاتىستى بالاسىن تاستاعان انا جازاعا تارتىلاتىن بولادى.
