«نۇر وتان» پارتياسى پاۆلودار وبلىستىق فيليالىندا استانا كۇنى قارساڭىندا جاڭا مۇشەلەردى قابىلداۋ ءراسىمى ءوتتى، دەپ حابارلايدى  قامشى اقپاراتتىق اگەنتتىگى pavlodarnews.kz-كە سىلتەمە جاساپ.  

پارتيا پاۆلودار قالالىق فيليالىنىڭ ءتوراعاسى، قالا اكىمى نۇرجان اشىمبەتوۆ ءوز سوزىندە قاتىسۋشىلاردى قۇتتىقتاپ، مەملەكەت باسشىسىنىڭ تاۋەلسىز قازاقستان ىرگەسىنىڭ قالانۋىنداعى ەرەكشە ءرولىن اتادى. – استانا – ەلدىگىمىزدىڭ نىشانى، بەرەكە-بىرلىگىمىزدىڭ ۇيىتقىسى، ابىرويىمىزدىڭ ايعاعى. بۇگىنگى تاڭدا ەلدىڭ ءتورى - ەلوردامىز بارشا ۇلت پەن ۇلىستىڭ باسىن قوسقان بىرلىك مەكەنىنە اينالدى. تاۋەلسىز مەملەكەتىمىزدىڭ باس قالاسى قازىرگى تاڭدا الەم تانىعان اسەم، ساۋلەتتى، مادەني ورتالىق. بۇل تۇرعىدا ەل مۇددەسى ءۇشىن ايانباي ەڭبەك ەتكەن ەلباسىمىزدىڭ ەڭبەگى وراسان زور، - دەدى «نۇر وتان» پارتياسىنىڭ پاۆلودار قالالىق فيليالىنىڭ ءتوراعاسى، قالا اكىمى نۇرجان اشىمبەتوۆ.

ءارى قاراي قالالىق فيليال ءتوراعاسى پارتيانىڭ جاڭا 15 مۇشەلەرىنە پارتيا بيلەتتەرىن تابىس ەتتى. ولار ءتۇرلى كاسىپتەر مەن سالالار وكىلدەرى. سولاردىڭ اراسىندا استانانىڭ قۇرداسى ماشينا جاساۋ كوللەدجىنىڭ تۇلەگى شەرحان اسىلحانوۆ تا بار. 6 شىلدە كۇنى شەرحان دا 19 جاسقا تولادى. – سەنىمدەرىڭىز ءۇشىن راحمەت. «نۇر وتان» قاتارىنا ەنۋ مەن ءۇشىن ۇلكەن ابىروي. سەنىمدى اقتاۋ ءۇشىن بارىمدى سالامىن، - دەدى شەرحان. ودان وزگە، شارا بارىسىندا پارتيانىڭ وبلىستىق فيليالى ءتوراعاسىنىڭ ورىنباسارى جۇلدىز تايكەبايەۆا ەڭبەك ارداگەرى ءابجان شاحماتالينوۆ، «التاياگرويمپەكس» ج ش س ديرەكتورى پاۆەل اندرۋسەنكو جانە پاۆلودار وبلىسى اۋعان جانە لوكالدىق سوعىسىنىڭ ارداگەرلەرى مەن مۇگەدەكتەرى قوعامدىق قورى ءتوراعاسىنىڭ ورىنباسارى تولەگەن كوكىمبايەۆقا پارتيانىڭ وبلىستىق فيليالى اتىنان العىس حاتتارىن تابىس ەتتى. كەش مەرەكەلىك كونسەرتكە ۇلاستى.

شولۋشى: ايگەرىم تاۋباي