الماتىدا 23 جاستاعى جاس جىگىت ءىز-تۇزسىز جوعالىپ كەتتى، دەپ حابارلايدى  قامشى اقپاراتتىق اگەنتتىگى قازاقپاراتقا سىلتەمە جاساي وتىرىپ. الىشەر نۇرمۇحامبەتوۆتى جاقىندارى 16 ماۋسىمنان بەرى تاپپاي وتىر. ۇيالى تەلەفونى ءوشىرۋلى. جىگىتتىڭ اپكەسى نۇرمۇحامبەتوۆا ماكيرانىڭ ايتۋىنشا، ءىنىسى دوستىق كوشەسى بويىنداعى مەيرامحانالاردىڭ بىرىندە  جۇمىس ىستەگەن. نۇرمۇحامبەتوۆتەر وتباسى تالدىقورعاندا تۇرادى.

اتا-اناسىنىڭ جالعىز ۇلى الىشەر الماتىعا بىرنەشە جىل بۇرىن جۇمىس ىستەۋگە كەلگەن. اكە-شەشەسى ەرەسەك بالاسىنىڭ ومىرىنە وتە كوپ ارالاسپايدى ەكەن.

«سوڭعى رەت ارىپتەستەرى ونى 16 ماۋسىمدا كورگەن. جالاقىسىن الىپ كەتكەن. سودان ونى ەشكىم كورمەدى. الماتىدا ول تۋىسقاندارىمىزبەن تۇراتىن. ولار دا 20-ماۋسىمنان باستاپ دابىل قاعىپ جاتىر»، - دەدى اپكەسى ماكيرا. ونىڭ ايتۋىنشا، الىشەردىڭ ەشقانداي جامان ادەتى جوق. دوستارىنىڭ ءبارى جامان ادەتتەن اۋلاق جاندار. نۇرمۇحامبەتوۆتەر وتباسى ەرتەڭ بالاسىنىڭ جوعالعانى تۋرالى پوليسياعا حابارلاسۋعا الماتىعا جول تارتپاق. ولار بالاسىنىڭ امان-ەسەن تابىلارىنا ءۇمىتتى.