جاقىندا بەلگيا ازاماتشاسىنىڭ تايلاندتا ءجۇرىپ قازا تاپقانى تۋرالى اقپارات بارلىق  باق-تا  جاريالانعان بولاتىن. ول الىپ كەسىرتكەنىڭ جەمىنە اينالىپ قازا تاپتى دەپ حابارلاندى. الايدا ماسەلە مۇنشالىقتى وڭاي ەمەس. قامشى اقپاراتتىق اگەنتتىگى تايلاندتا ورىن العان جۇمباق ءولىمنىڭ سەبەپتەرى تۋرالى مالىمەتتى وقىرمان نازارىنا ۇسىنادى.

تايلاند پوليسياسى 30 جاستاعى بەلگيالىق تۋريست قىزدىڭ ولىمىنە قاتىستى زەرتتەۋ جۇرگىزىپ جاتىر. ەليزا دالماننىڭ دەنەسى كو تاو دۋجنگليىندە تابىلعان. بۇل وسى جەردە ورىن العان ءبىرىنشى قايعىلى جاعداي ەمەس. وسى جىلدىڭ كوكتەمىندە دەمالىستا جۇرگەن رەسەيلىك تۋريست تە تۇسىنىكسىز جاعدايدا قازا تاپقان. ونىڭ الدىڭعى جىلى 5 تۋريست وسى ارالدا كوز جۇمعان.

سيام شىعاناعىنداعى كو تاو ارالى ءوزىنىڭ كوراللدى ريفتەرى مەن سۇلۋ تابيعاتىمەن تانىمال. سوڭعى ءۇش جىلدا بۇل ارالدا ەۋروپا تۋريستەرىنىڭ ىشىندە 1،5 مىڭ ادام بەلگىسىز جاعدايدا قازا تاپقان. پوليسيا بۇل ولىمدەردىڭ كوپشىلىگىن سۋيسيد دەپ باعالاعان.

الايدا سوڭعى قۇربان –  30 جاستاعى مارقۇم ەليزا دالماننىڭ اناسى قىزىنىڭ ءولىمى سۋيسيد ەمەس ەكەنىن ايتىپ داۋلاسقان. ەليزانىڭ جارتىلاي كەسىرتكەگە جەلىنگەن دەنەسى ەسكى ماتاعا ورالعان كۇيى جانارماي جانىندا تابىلعان. جەرگىلىكتى پوليسيا قىزدىڭ دەنەسى تابىلماي تۇرىپ ونى سۋيسيد جاسادى دەپ مالىمدەگەن. الايدا قىزدىڭ دەنەسى تابىلعان سوڭ دا ءىس قوزعالماعان. تەك قىزدىڭ اناسى ارىز جازعان سوڭ عانا زەرتتەۋ جۇرگىزىلگەن.

ەليزانىڭ اناسى قىزىنىڭ سۋيسيدكە باراتىنداي بولماعانىن، جوعالاردىڭ الدىندا ونىمەن سويلەسكەنىن ايتقان. تۋريست قىز ازيا مەن اۆستراليادا ساياحاتتاپ جۇرگەن. بانگوك ارقىلى ۇيىنە قايتپاقشى بولىپ جۇرگەن.

«سوڭعى حاتتى ەليزا جازىپ قالدىرماعان. قوناق ۇيدەگى بارلىق زاتتارى جيناۋلى تۇرعان. پوليسيا قىزدىڭ دەنەسى دجۋنگليدا كيىم-كەشەككە ورالعان كۇيى تابىلعان دەپ حابارلادى. بانگوكقا بيلەت ساتىپ الىپ ودان كەيىن دجۋنگليعا ءوزىن-وزى ءولتىرۋ ءۇشىن بارۋدىڭ نە قاجەتى بار؟ پوليسياعا سەنبەيمىن. بۇل جەردە باسقا بىرەۋلەردىڭ دە قاتىسى بار»-دەيدى قىزدىڭ اناسى دەيلي مەيل باسىلىمىنا بەرگەن سۇحباتىندا.

قىزدىڭ دەنەسىنە سوت مەديسينالىق ساراپتاما بانگوك ينستيتۋتىندا جاسالدى. 14 كۇننەن كەيىن قىزدىڭ دەنەسىن كرەماسيالاعان  (ورتەگەن). ساراپتاما ناتيجەلەرىن مارقۇمنىڭ اناسىنا كورسەتپەگەن.

قىزدىڭ دەنەسىن تاپقان تۋريستەردىڭ ءبىرى ونى باسقا ارالدا ءولتىرىپ تاستاۋى مۇمكىن ەكەندىگىن ايتتى. پحانگان ارالىندا بەلگيالىق ازاماتشا يوگا، شىعىس تاجىريبەلەرىمەن اينالىسىپ جۇرگەن. سونىمەن بىرگە ءدىني نەويندۋيستىك دەسترۋكتيۆتى سەكتاعا بارىپ جۇرگەن. ونىڭ ۇستازى راامان اندرەاس تۋريست قىز قايتىپ بارا جاتقاندا باقىتتى بولىپ كورىنگەندىگىن ايتقان. قازىرگى ۋاقىتتا قۇزىرلى ورگاندار ونى تەرگەۋ ءۇشىن ىزدەستىرىپ جاتىر.

پوليسيا ونىمەن قوسا، ەليزا ءساۋىر ايىندا  پويىز جولىندا سۋيسيد جاساماقشى بولدى دەپ مالىمدەگەن. سول كەزدە ونى پسيحياتريالىق اۋرۋحاناعا ەمدەلۋگە جىبەرگەندەرىن جەتكىزگەن. الايدا مارقۇمنىڭ اناسى بۇل ماسەلەگە قاتىستى پىكىرىن بىلدىرگەن جوق. ونىڭ ويىنشا تايلاند پوليسياسى ءوىزىنىڭ سۋيسيد جاساعانىن دالەلدەۋ ءۇشىن بارلىعىنا بارادى.

ەليزا بۇل ارالداعى جۇمباق ولىممەن قايتىس بولعان 7ء-شى تۋريست. وسىعان دەيىن تۋريستەر 2014، 2015، 2016 جىلدارى سۋعا باتىپ، جوعالىپ، باستارىنان جاراقات الىپ قازا تاپقان. الايدا ولاردىڭ قازا تابۋ سەبەپتەرى بەلگىسىز. پوليسيا بولسا بۇل ولىمدەردىڭ ءبارىن سۋيسيدكە بالاپ ءىستى جاۋىپ وتىرعان.

وسى جىلدىڭ اقپان ايىندا رەسەيلىك 23 جاستاعى ۆلەنتينا نوۆوجەنوۆا ەسىمدى قىز مۇلدەم ءىز-تۇسسىز جوعالىپ كەتكەن. ونىڭ قايدا ەكەنى ءالى كۇنگە دەيىن بەلگىسىز.

باق-تىڭ جازۋىنشا كو تاو ارالى مافيوزدىق توپتاردىڭ باقىلاۋىندا. تايلاندتا ونى چاو پو دەپ اتايدى. مۇنداي قىلمىستىق توپتار ەسىرتكى، جەزوكشەلىك، تۋريستىك بيزنەسپەن اينالىسادى. الايدا كو تاو ارالىنىڭ مۇنداي جاعىن بىلگەن تۋريستەردىڭ بارلىعى قورقىپ مۇنداي جولاي قويماتىنىن بىلگەن بۇل توپ جەرگىلىكتى پوليسياعا سوزدەرى جۇرەتىن كورىنەدى. 

شولۋشى: نازەركە مۇسا