ۇكىمەت قاۋلىسىنىڭ 33 پۋنكتىندە  تۇلەكتەردىڭ قانداي بالمەن جوو تۇسە الاتىنى بەكىتىلدى دەپ حابارلايدى قامشى اقپاراتتىق اگەنتتىگى. شىعارماشىلىق ەمتيحاندا 5 بالدان تومەن العاندار نەمەسە ەمتيحانعا كەلمەگەندەر ءبىلىم گرانتىنا يە بولا المايدى.

43 پۋنكتە بىلاي دەلىنگەن: ۇلتتىق جوعارى وقۋ ورىندارىنا اقىلى بولىمگە ارناۋلى ورتا، جالپى كاسىبي ءبىلىم العاندار ۇبت نەمەسە كوللەدجدەن كەيىن تاپسىراتىن تەستتەن 65 بالدان تومەن جيناماعان بولۋى كەرەك. ال «ءبىلىم»، «اۋىلشارۋاشىلىق عىلىمدار» جانە «مال دارىگەرلىگى» سەكىلدى ماماندىقتاردى يگەرۋ ءۇشىن 60 بالدان تومەن بولماۋى ءتيىس. باسقا جوو 50 بالدان تومەن ەمەس. ال «جالپى مەديسينا» سەكىلدى ماماندىقتارعا 65 بالدان تومەن ەمەس. ونىڭ ىشىندە قازاقستان تاريحىنان 5 بالدان تومەن جيناماۋى ءتيىس.

            شەكتى بالدى جيناعاندار جوو باسشىسىنىڭ اتىنا وقۋ ورنىنا اقىلى بولىمگە قابىلداۋعا ءوتىنىش جازادى. وعان قوسا ۇبت سەرتيفيكاتى نەمەسە بت جانە ءمور باسىلعان، قول قويىلعان ترانكريپتتىڭ كوشىرمەسىن وتكىزۋ كەرەك.

شولۋشى: اسەم المۇحانبەت