نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيويەۆپەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلايدى، دەپ جازادى قامشى اقپارات اگەنتتىگى.
شاۆكات ميرزيويەۆ قازاقستان پرەزيدەنتىن تاعى دا تۋعان كۇنىمەن قۇتتىقتاپ، وعان زور دەنساۋلىق پەن باق-بەرەكە تىلەپ، جوعارى مەملەكەتتىك قىزمەتتە تابىستارعا جەتۋگە نيەتتەستىك ءبىلدىردى.
اڭگىمە بارىسىندا مەملەكەتتەر باسشىلارى ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆاسىن تالقىلاپ، وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى.
سونىمەن قاتار، الداعى كەزدەسۋلەردىڭ كەستەسى قارالدى.
