قىتايدىڭ وڭتۇستىك-شىعىسىندا سۋ تاسقىنىنان 40-تان اسا ادام قازا تاپتى، - دەپ حابارلايدى قامشى اقپاراتتىق اگەنتتىگى ريا نوۆيستي-گە سىلتەمە جاساي وتىرىپ. 
حۋنان پروۆينسياسىنداعى نينسيان ۋەزىندە تۇراتىن 815 مىڭ ادام سۋ تاسقىنىنان زارداپ شەككەن، ازىرشە قازا تاپقان جانە جوعالىپ كەتكەن دەگەن ستاتۋس 44 ادامعا بەرىلگەن.  ۋەزدە بۇل اپات سوڭعى 60 جىل باقىلاۋدا بولعان ەڭ ءىرىسى سانالىپ وتىر. 22 ماۋسىمنان 1 شىلدەگە دەيىنگى ۋاقىتتا جىلدىق جاۋىن-شاشىن كورسەتكىشىنىڭ 31،8 پايىزى نەمەسە 4611 ميلليمەتر تۇسكەن. 30 ماۋسىم مەن 1 شىلدە ارالىعىندا جاۋىن-شاشىن ەڭ كوپ تۇسكەن.
 اپاتتان 14 مىڭ ءۇي قيراعان، سۋ بوگەتى مەن 70 كوشەدەگى جول بۇزىلعان، اۋىل شارۋاشىلىعى ماقساتىنداعى 22 مىڭ گەكتاردان اسا جەردى سۋ باسقان، 13 ەلدى مەكەن ەلەكترسىز، ال جەتى ەلدى مەكەن بايلانىسسىز قالدى. الدىن الا ەسەپكە قاراعاندا، تىكەلەي جانە قوسىمشا ەكونوميكالىق شىعىن - 9 ميلليارد يۋان (1،3 ميلليارد دوللار).