استانا – الەمنىڭ بارلىق ۇزدىك ساۋلەت تۋىندىلارىن بويىنا جيناي بىلگەن قالا. وعان تازا اۋا مەن اسەم تابيعاتتى قوسىڭىز. ەحرو-نى تاماشالاپ، ەلورداعا ساياحاتتاپ قايتقان بەيجىڭدىكتەر تاڭدانىستارىن جاسىرمادى دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساي وتىرىپ.
سيۋ شيا استانادان تاياۋدا ورالدى. سمارتفونىنا تۇسىرىلگەن ەلوردانىڭ كورىكتى جەرلەرى مەن EXPO-نىڭ جاڭالىقتارىن قىزىعا باياندايدى. «العاشىندا قازاقستاندىق ونەرپازدىڭ كونسەرتىنە عانا بارۋدى جوسپارلادىم، كەيىن استانا شاھارى سونشالىقتى باۋراپ الادى دەپ ويلامادىم»، – دەيدى. اسىرەسە ارقانىڭ اشىق اسپانى مەن جوڭكىلگەن اقشا بۇلتتارى قاتتى ۇناعانىن ايتادى. ال EXPO-نى ارالاپ بولاشاققا ساپار شەككەندەي اسەر العان. 

«استاناعا ءبىرىنشى رەت باردىم. ۇمىتىلماستاي اسەر الدىم. ارينە ءتىل جاعىنان ازداپ قيىندىقتار بولدى. قالانى ارالاپ جۇرگەندە ونلاين اۋدارماشىنى قولداندىق. ىس-قيمىلمەن كورسەتۋگە تىرىستىق. قازاقستاندىقتاردىڭ قوناقجايلىعىنىڭ ارقاسىندا قولايسىزدىقتار تەز شەشىلدى. Aل بۋراباي تۋرالى ساعاتتاپ ايتۋعا بولادى. تابيعاتى تۇنىپ تۇرعان جەر ەكەن. كۇنى بويى ارالاساق تا، شارشاعانىمىزدى بايقامادىق»،- دەيدى باودين قالاسىنىڭ تۇرعىنى Cيۋ شيا،

جۇڭگو تۋريستەرى قازاق ەلىندەگى تاماقتىڭ قۇنارلىعىنا تاڭدانىستارىن جاسىرمايدى. «بالداي قىمىز، تازا اۋا»، – دەپ شىنايى اقتارىلدى. «استاناعا شىن عاشىق بولدىم. مەن قازاقستانعا تاعى قىدىرىپ بارامىن، – دەيدى چجۋان. ءبىراق كەلەسى جولى دوستارىنا جول باستاۋشى رەتىندە ساياحاتتاۋدى جوسپارلاپ وتىر.