گامبۋرگتە پوليسيا مەن قارسىلىق اكسياسىنا قاتىسۋشىلاردىڭ اراسىنداعى قاقتىعىس جۇما كۇنى تاڭ ەرتەڭ قايتا جانداندى دەپ حابارلايدى قامشى اقپاراتتىق اگەنتتىگى BBC-گە سىلتەمە جاساپ.
اكسياعا قاتىسۋشىلار كولىكتەردى ورتەپ، كوشەلەردى جاۋىپ جاتىر. پوليسيا تارتىپسىزدىك جاساعانداردى سۋ اتقىشتارمەن قۋۋعا ءماجبۇر بولعان.
بەيسەنبى كۇنى بەيبىت تۇردە ءوتۋى ءتيىس شەرۋ پوليسيا مەن ميتينگىگە شىققانداردىڭ اراسىنداعى جانجالمەن اياقتالعان. سونىڭ سالدارىنان 76 پوليسيا زارداپ شەكتى. ۇشەۋى اۋرۋحاناعا جەتكىزىلدى. پولسيا بەتىن تۇمشالاپ، «توزاققا قوش كەلدىڭ» اكسياسىنىڭ قاتىسۋشىلارىن ۇستاماق بولعاندا قاقتىعىس باستالعان. قارسىلىق اكسياسىنا 100 مىڭنان استام ادام قاتىسادى دەپ كۇتىلۋدە. سامميت ءوتىپ جاتقان ۋاقىتتا قالانىڭ قاۋىپسىزدىگىنە 20 مىڭنان استام پولسيا جاۋاپ بەرەدى.
سامميت گامبۋرگتە 7 شىلدەدە باستالدى. وسى كۇنگە العاش رەت اقش پرەزيدەنتى دونالد ترامپ پەن رەسەي پرەزيدەنتى ۆلاديمير پۋتين كەزدەسۋى جوسپارلانعان
شولۋشى: اسەم المۇحانبەت
