ايەلدە تالاي قىزىق بار. جاپونيالىق 67-جاسار تيسكاو كاحەكي ەسىمدى «ازىرەيىل» اجەي ءوزىنىڭ 6-شى كۇيەۋىن و دۇنيەگە ۇزاتىپ سالعان. بۇل تۋرالى JapanTimes-قا سىلتەمە جاساي وتىرىپ Tengrinews حابارلايدى. كيوتو قالاسىنىڭ بيلىگى حابارلاعانداي تيساكو كاحەكي بۇل وپەراسيامەن اينالىسقانىنا 20 جىلدىڭ ءجۇزى بولىپتى.  اجەيدىڭ سوڭعى جۇبى يساو كاحەكي 75 جاستا بولعان. ۇيلەنگەندەرىنە 2 اي وتكەندە ومىردەن وزىپتى. مەديسينالىق ساراپتاما ناتيجەسىندە ءمايىتتىڭ دەنەسىنەن ۋلى سيانيدا تابىلعان.  باسىلىم اتاپ وتكەندەي تيساكو اجەيدىڭ الدىڭعى كۇيەۋى وساكي قالاسىنىڭ تۇرعىنى 2012 جىلدىڭ كوكتەمىندە كوز جۇمعان. دۇكەنگە بارار جولدا قۇلاعان كۇيەۋدىڭ دە دەنەسىنەن اتالمىش ۋدىڭ تابىلعانى انىقتالعان. اجەيدىڭ 4ء-شى جۇبى 2009  جىلى وبا اۋرۋىنىڭ بەلگىسىز تۇرىمەن قايتىس بولعان. ونان الدىڭعى «باجالارى» 2008، 2006 جىلدارى قايتىس بولعان. «قارالى جەسىردىڭ»  ەڭ العاشقى جۇبايى 1994ء-شى جىلى 54 جاستا بولاتىن. پوليسەيلەر «قارالى جەسىردىڭ» بۇل جوسپارعا  بارۋىنىڭ باستى سەبەبى  بايلىققا قول جەتكىزۋ بولعان دەپ تۇسىندىرەدى. جاپوندىق ب ا ق وكىلدەرى بيزنەسمەن اجەيدىڭ 20 جىلدىق تابىسى 7 ميلليون اقش دوللارىن قۇراپ وتىرعانىن مالىمدەگەن. ال اجەي ءوز كىناسىن ءالى دە مويىنداماي وتىر.

ورىنباسار باقتىبەكوۆ