ءححى عاسىردا قازاقستاننىڭ دامىعان، باسەكەگە قابىلەتتى جانە الەمدەگى بەدەلدى مەملەكەتتەر قاتارىندا قالىپتاسىپ ءارى قاراي دامۋى ءۇشىن بۇگىنگى جاستاردىڭ قوعامداعى ءرولى ەرەكشە. ەلباسى «نۇرلى جول – بولاشاققا باستار جول» اتتى قازاقستان حالقىنا جولداۋىندا: «مەن جاستار – ءبىزدىڭ بولاشاعىمىزدىڭ تىرەگى دەگەندى اركەز ايتىپ كەلەمىن. مەملەكەت جاڭا بۋىننىڭ الدىندا بارلىق ەسىكتەر مەن جولداردى اشتى! «نۇرلى جول»، مىنە، ءبىزدىڭ كرەاتيۆتى ىرعاقتى جاستارىمىزدىڭ كۇش-جىگەر جۇمساپ، قۇلاش سەرمەيتىن تۇسى وسى!» - دەگەن ەدى. بۇل تاۋەلسىز قازاقستاننىڭ بولاشاعى جاستاردىڭ قولدارىندا ەكەنىن بىلدىرەدى. جاستار ءۇشىن بۇل – ۇلكەن سەنىم، زور جاۋاپكەرشىلىك. وسىنى اقتاۋ ءۇشىن جاستاردىڭ بويىندا شىنايى وتانسۇيگىشتىك، ەلشىلدىك قاسيەتتەر، وزىق ءبىلىم، پاراسات پەن مادەنيەت بولۋى شارت.
مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىن جۇزەگە اسىرۋ اياسىندا بۇگىنگى جاستاردىڭ قوعامداعى ءرولىن تالقىلاۋ ماقساتىندا الماتى تەحنولوگيالىق ۋنيۆەرسيتەتىندە “جاستار – ازاماتتىقتىڭ ۇلگىسى جانە ولاردىڭ قوعامداعى ءرولى” اتتى الماتى قالاسى جاستار ۇيىمدارىنىڭ قالالىق كونفەرەنسياسى ءوتتى.
كونفەرەنسياعا الماتى قالاسى جاستار ساياساتىن دامىتۋ مەملەكەتتىك قورى، المالى اۋدانى اكىمدىگى، قالاداعى 32 جوعارى وقۋ ورىندارىنىڭ ءوزىن-وزى باسقارۋ ستۋدەنتتىك ورگاندارى، جاستاردىڭ قوعامدىق ۇيىمدارى مەن ۇكىمەتتىك ەمەس ۇيىمداردىڭ وكىلدەرى قاتىستى.
الماتى تەحنولوگيالىق ۋنيۆەرسيتەتى جاستار كەڭەسىنىڭ قۇرىلعانىنا 15 جىل تولۋىمەن تۇسپا-تۇس كەلگەن كونفەرەنسيا جۇمىسىندا قازىرگى جاستاردىڭ وزەكتى ماسەلەلەرى مەن ولاردى شەشۋ جولدارى، جاستاردىڭ الەۋمەتتىك، ازاماتتىق-قۇقىقتىق، پاتريوتتىق، يننوۆاسيالىق جانە شىعارماشىلىق الەۋەتىنە قاتىستى ماسەلەلەر تالقىلاندى.
كونفەرەنسيانىڭ قوناعى الماتى قالاسى المالى اۋدانى اكىمىنىڭ ورىنباسارى بەكجانوۆا اينۇر سەرىك قىزى ەلباسىنىڭ «نۇرلى جول – بولاشاققا باستار جول» اتتى قازاقستان حالقىنا جولداۋىندا جاستارعا ۇلكەن مىندەت جۇكتەلىپ وتىرعانىن اتاپ ءوتتى. جاستار سول ءۇشىن ءوز بىلىمدەرىن، بار كۇش-جىگەرىن «نۇرلى جول – بولاشاققا باستار جول» جاڭا ەكونوميكالىق ساياساتىنىڭ ىسكە اسىرىلۋىنا باعىتتاۋى قاجەت. الماتى تەحنولوگيالىق ۋنيۆەرسيتەتى ءوزىن-وزى باسقارۋ ماسەلەلەرىندە كوشباسشىلاردىڭ ءبىرى بولىپ تابىلادى. جاستاردىڭ وزەكتى ماسەلەلەرىن تالقىلاپ، ءتيىستى شەشىمىن تابۋدا جاستار كەڭەسىنىڭ ءرولى اسا زور ەكەنىن اتاپ ءوتتى.
جاستار ساياساتىن دامىتۋ مەملەكەتتىك قورىنىڭ ديرەكتورى سەيىتوۆ سوۆەت ساۋىت ۇلى «جاستاردىڭ ءبىلىم الاڭىندا اتۋ جاستار كەڭەسى بەدەلدى ورىنعا يە، سەبەبى ول جاستاردىڭ كوپتەگەن يگى باستامالارىن كوتەرىپ، قارقىندى جۇمىستار جاساۋدا. سوندىقتان دا جاستار ساياساتىن دامىتۋ مەملەكەتتىك قورى جاستار كەڭەسىمەن تىعىز بايلانىستا بىرىگىپ جۇمىس جاساۋعا نيەتتىمىز» - دەپ اتاپ كورسەتتى ءوز سوزىندە.
«وسىدان ون بەس جىل بۇرىن جاستار كەڭەسىنىڭ قۇرىلۋى بولاشاقتىڭ جارقىن باستاماسى بولدى دەپ نىق سەنىممەن ايتا الامىن. جاستار كەڭەسىنىڭ اتقارعان جۇمىسى – جاستار ءۇشىن باعا جەتپەس تاجىريبە. جاستارىمىزدىڭ تىڭ يدەيالار جيناپ، ودان ءارى قارىشتاپ دامۋىنا جول اشىلدى. جاستار كەڭەسى جۇمىس جاساۋدىڭ يننوۆاسيالىق ادىستەرىن ۇنەمى ىزدەپ-جەتىلدىرىپ، جاستارعا ەلىكتەۋ ۇلگىسى ءارى قامقورشى بولا ءبىلدى» - دەدى ءوز سوزىندە ۋنيۆەرسيتەتتىڭ ءبىرىنشى پرورەكتورى، پروفەسسور باۋىرجان نۇراحمەتوۆ.
“نۇر وتان” پارتياسى الماتى قالالىق فيليالىنىڭ جەتەكشى مامانى ءمولدىر شاۋحاروۆا ءوز بايانداماسىندا “نۇر وتان” پارتياسىنىڭ پارتيالىق جوبالارى ارقىلى جاستار ساياساتىن دامىتۋ ماسەلەسىنە توقتالدى. «قازىرگى تاڭدا جاستار ساياساتىن ءتيىمدى دامىتۋعا ارنالعان 12 ماقساتتى باعدارلاما ىسكە اسىرىلۋدا. «جاستار – وتانعا!»، «ءساتتى قادام»، «جاستار كادرلىق رەزەرۆى»، ت.ب. پارتيالىق جوبالار جاستاردىڭ ەڭبەك نارىعىنداعى باسەكەلەستىگىن ارتتىرۋعا، قازىرگى زامانعى بىلىكتى باسقارۋشىلار شوعىرىن قالىپتاستىرۋعا باعىتتالعان» - دەدى ول.
«بۇگىنگى تاڭدا جاستاردى، اسىرەسە جۇمىسپەن قامتۋ ءىسى وزەكتى ماسەلەگە اينالىپ وتىر. بۇل جەردە، ءبىلىم بەرۋ جۇيەسى مەن ەڭبەك نارىعى اراسىنداعى سايكەسسىزدىك پەن الشاقتىقتىڭ سەبەبىنەن، جوعارى وقۋ ورىندارىن بىتىرگەن جاستار سول العان بىلىمدەرىن ءوندىرىس ورىندارىندا پايدالانا الماي كەلەدى. جاستار ۇيىمدارى وسى ماسەلەگە باسا نازار اۋدارىپ، وسىنداي وتىرىستار ۇيىمداستىرىپ، ءوز ويلارىن ورتاعا سالۋلارى ءتيىس» - دەدى ءوز كەزەگىندە ۆتب قازاقستان بانكىنىڭ ساتۋ جانە جەكە تۇلعالارعا قىزمەت كورسەتۋ ءبولىمىنىڭ باستىعى، جاستار كەڭەسىنىڭ بۇرىنعى ءتوراعاسى ارمان بەكەبايەۆ.
قازاقستان پرەزيدەنتىنىڭ جاستاردى ەلدىڭ دامۋىنا كۇش-جىگەرلەرىن سالىپ ۇلەس قوسۋعا ۇندەۋى كونفەرەنسياعا قاتىسقان جاستار تاراپىنان ۇلكەن قولداۋ تاپتى. سونىمەن قاتار، كونفەرەنسيا بارىسىندا جاستارعا قاتىستى وزەكتى ماسەلەلەر تالقىلانىپ، ولاردى شەشۋ جولدارىنا وراي ءار ءتۇرلى ۇسىنىستار ايتىلدى. «ەل جاستارىنىڭ ماقساتى ءبىر، جەتىستىكتەرى مول، ەلباسى العا قويعان ورتاق ماقسات ءۇشىن بارلىعىمىز بىرلەسىپ، جۇمىس جاسايىق» دەگەن ۇسىنىس-ويلارعا بارلىق جاستار قىزۋ قولداۋ ءبىلدىردى.
كونفەرەنسيا جۇمىسىن قورىتىندىلاعان اتۋ تاربيە ءىسى جونىندەگى پرورەكتورى قالتاي باتحولدين: «ەلىمىزدىڭ ەرتەڭى – جاستار. ەلباسى ءوزىنىڭ بيىلعى «نۇرلى جول – بولاشاققا باستار جول» اتتى حالىققا جولداۋىندا جاستارعا ۇلكەن ءۇمىت ارتاتىندىعىن جەتكىزدى. سوندىقتان، تاۋەلسىزدىكتىڭ دامۋ داڭعىلىن نۇرلى جولعا اينالدىرۋ جولىندا ەشقانداي قيىندىققا قاراماي، قاجىرلى ەڭبەك ەتەتىن، قوعامدىق ماسەلەلەردى شەشۋگە بارىنشا اتسالىساتىن ۋاقىت جەتتى. جاڭا قازاقستاندىق پاتريوتيزم بۇل – ماڭگىلىك ەل يدەياسى. ول – ۇلى قۇندىلىق! ەلدىڭ بىرىكتىرۋشى كۇشى. وسى جولدا ەلباسىنىڭ سەنىمىن اقتاۋ – سىزدەر، جاستاردىڭ الداعى ەڭ باستى ماقسات-مىندەتتەرىڭىز» - دەدى ول.
اسحات ابىشيەۆ
