ارمان سقابىل اعامىزدىڭ "جاسۇلانعا جاسالماعان جاقسىلىق" دەگەنىنەن شىعادى. كۇنى كەشە جامبىل وبلىسىنىڭ اكىمى كارىم كوكىرەكبايەۆ جاسۇلان باۋىرىمىزعا "دجيپ" اۆتوكولىگىنىڭ كىلتىن ۇستاتتى. اللا رازى بولسىن! تەمىر-تەرسەگىڭىزدىڭ ءبارىن قازاق اتىنان دۇنگەن، كارىس، ورىس اعايىندار كوتەرىپ، تۋىڭىزدى جەبلىرەتىپ جۇرگەندە شولاق بالۋاننىڭ سارايىندا بۇكىل جۇمىر جەردىڭ مەتالومىن باسىنا تىك كوتەرگەن تۇڭعىش قازاق - جاسۇلان ەدى. اق جاعالىلار تەلەفون كوتەرىپ شاۋىپ جۇرگەندە، جاسۇلاندى بوساعادا جۇرگەن شەنەۋنىك تە قۇتتىقتامادى. تاريحقا اتىن التىن ارىپپەن جازعان ءحانتاڭىرىنىڭ مۇزبالاعى سول كۇنى تالعارداعى قوس بومەلى ۇيىندە بۋلىعىپ جاتتى. ۇلكەن ۇيدەگىلەر "قاي اۋىلدىڭ بالاسى ەكەن؟.." دەپ ويلانىپ تولعانعانىپ وتىرعانشا، باتىر قازاعىن سارايدان تىك كوتەرىپ الىپ شىعۋى ءتيىس ەدى. ءسال كەشىكتى، ەسەسىنە حالىق كوتەرىپ كەتتى. جازعان حالىقتىڭ قالتاسىندا نە بار دەيسىڭ؟.. ات اۋىستىرۋمەن باسى قاتىپ جۇرگەن الماتى وبلىسى جاس باتىردى نە قىلسىن؟ دۇنيەنىڭ دوداسىنا تارازدىڭ اتىنان ءتۇستى. اۋليە -اتانىڭ قولداعانى سول ەمەس پە، رايىمبەك باتىردىڭ ۇرپاعى تەمىر اتاۋلىنىڭ ۇرشىعىن شىر اينالدىردى. حانتاڭىردە تۇلەگەن، الاتاۋدا بۋسانعان، سارايدا ءارۋاق شاقىرعان تولاعايدى تاراز جۇرتى ۇلىقتادى.جازيرا قىز بەن جاسۇلاندى كۇللى قازاق ۇلىقتاسا دا ارتىق ەمەس. العا، تاراز! جاسا، اۋليە اتا! ءبىز بۇل تۋرالى كەڭ تولعاپ جازاتىن بولامىز، ءالى...