زيداندى جۇرت بىلەدى. زينەدين شە. فرانسيا قۇراماسىن جەڭىسكە جەتەلەگەن اقىلدى فۋتبولشى. سول زيداننىڭ ۇلى بار. ەنسو. يتاليا جەرىندە كوپ ءجۇردى. ەسىمىن ەتىك سەكىلدەنگەن ەلدىڭ قۇرمەتىنە قويىپتى. مۇمكىن داڭقتى باپكەر بەازورتتى ەستە ۇستاعان شىعار. ەنسونىڭ ءتۇبى اراپ بولعانىمەن ناعاشىسى يسپاندار. زينەديننىڭ ۇلى ازىرشە سول ناعاشىلارىنىڭ تەگىن جەيدەسىنە جازىپ ءجۇر. ەنسو زينەدين ۇلى فەرناندەس. نەگە دەيسىزدەر عوي؟ ەنسونىڭ ءوزى ايتاتىن كورىندى. «فۋتبولدا زيدان اتانۋعا ەلى ەرتە»، - دەپ. نە دەگەن اقىلدى بالا. اكەنىڭ بەدەلىن ويلاعان. ايتايىق دەگەنىمىز «ەرتىس» ەدى عوي. وعان ورالامىز. وتكەن اپتادا «رەالدىڭ» قوسالقى قۇرامىن باپتايتىن زينەدين زيدان «كونكەرسەمەن» كەزدەسۋدىڭ سەكسەن سەگىزىنشى مينۋتىندا قاتتى تولقىدى. سەبەبى الاڭعا ەنسو زينەدينۇلىن شىعارۋعا تۋرا كەلدى. وسىلايشا ەنسونىڭ فۋتبولداعى عۇمىرى باستالدى. ون توعىز جاسار ويىنشى سىنعا تۇسەر الدىندا باپكەردەن اقىل تىڭداپتى. اكە زيدان الدەبىر تاپسىرمانى ۇزاق تۇسىندىرگەن. ەنسو 1995 جىلدىڭ جيىرما ءتورتىنشى ناۋرىزىندا بوردودا دۇنيەگە كەلدى. ەندى «ەرتىسكە» كەلەيىك. زينەدي ۇلى ون ءتورت جاسقا تولعاندا دميتريي چەرىشيەۆتىڭ قولىنا تۇسەدى. ءقازىر دميتريي پاۆلوداردا ءجۇر عوي. - ەنسونىڭ اقىلى كوپ. ءتىپتى دەنە كۇشىنەن ويلاۋ قابىلەتى جىلدام دامىدى. الاڭدا فينت كورسەتۋگە ۇمتىلاتىن. شاماسى كەلمەسە دە الىستاعى ويىنشىنا دوپپەن تابۋدى قالايتىن. زيدان ۇلى تۋرالى ءبىلىپ تۇردى. كوپ تىڭدايتىن. ابدەن سۇرايتىن. زيزۋ ورىس باپكەرى ۇسىنعان ءۇي تاپسىرمالارىن ۇلىنان قاتاڭ تالاپ ەتەدى ەكەن. ءتىپتى ءوزى بىرىگىپ جاسايتىن كەزدەرى دە بولعان. اكە شاماسى ۇلىنىڭ فۋتبولدى ساۋاتتى ويناۋىنا مۇددەلى بولسا كەرەك. ەنسو فرانسۋز قۇراماسىنا كوپ جالتاقتاعان. اقىرى ناعاشى جاقتان تۇسكەن شاقىرتۋدى قۇپ كورىپ، يسپانيا جاستار قۇراماسىنا تارتىلدى. ايتپاقشى 2011 جىلى بەسىنشى قىركۇيەكتە زينەديننىڭ ۇلى «رەالدىڭ» نەگىزگى قۇرامىمەن جاتتىعىپتى. جوزە ماۋرينو قول استىندا. كريشتيانۋ رونالدو مەن ەزيلدىڭ ماڭىندا. كاكامەن دە پاس الماسقان. شەت ەلدە مۇنداي باستاماعا ءورىس كوپ. «رەال» سەكىلدى كوماندالار كەيدە جاستار ءتىپتى جاسوسپىرىمدەر توبىمەن بىرگە جاتتىعادى. ونەگە كورسىن دەيدى عوي. بىزدە شە؟ شەتتەن كەلگەن شالاعاي باپكەرلەر شالقاسىنان ءتۇسسىن. ءاي ءبىراق ولاردى دا تۇسىنۋگە بولادى. بالالارعا نە ۇيرەتسىن..

 (امانگەلدى سەيتحانوۆتىڭ فەيسبۋكتەگى پاراقشاسىنان..)