كەشە بەيجىندە جۇڭگو كوممۋنيستىك پارتياسىنىڭ XVIII قۇرىلتايى اشىلدى. وسىعان بايلانىستى ما، الدە، باسقا سەبەپتەر بولدى ما، وتكەن 2 اپتانىڭ اينالاسىندا جۇڭگو ەلى بىرنەشە شەتەل اقپارات كوزدەرىنىڭ ينتەرنەتتەگى پاراقشالارىنا شەكتەۋ قويدى. ونىڭ باسىندا دۇنيەجۇزى جۇرتى تانيتىن «New York Times» تۇرسا، سول قاتاردا الەم قازاقتارىنا ارنالعان «قامشى» پورتالىنىڭ توتە جازۋ نۇسقاسى دا بار. «New York Times»-تىڭ كوكەيىندە نە ويلايتىنىن قايدام؟ «قامشىنىڭ» قامى – ءوز قازاعى. جۇڭگو تۋرالى اقپارات جاريالاساق، ول قازاق ەلىنىڭ «قىتايتانۋ» سالاسىنا ۇلەس قوسساق دەگەن يگى تىلەك.

عالامتوردا قانداي عالامات بارىن كىم ءبىلسىن؟ پورتالىمىزدىڭ توتە جازۋ نۇسقاسى قالاي توقتاتىلدى، ىزىنشە سۋرەت جۇكتەلۋدە قيىنعا سوقتى. ءتىپتى كەيدە اشىلماي دا قالاتىن جاعداي كەزدەسىپ جاتىر. جالپى، «الىستان دوس، جاقىننان جاۋ ىزدەمە» دەگەن قازاقتىڭ ادەمى ءسوزى بار. ەندەشە، التى الاشتىڭ قامى دەپ اشىلعان «قامشى» پورتالىنان وزگە جۇرتتىڭ سونشالىقتى ءقاۋىپ كۇتۋىنىڭ قاجەتى شامالى دەپ ويلايمىز.

باستى ماقسات باياعىداي – بار قازاقتىڭ پىكىرىن ءبىر ارناعا توعىستىرۋ.