مەتاللۋرگيالىق كرەمنيي شىعاراتىن «Tau-Ken Temir» ج ش س زاۋىتىندا ق ر پرەمەر-مينيسترى باقىتجان ساعىنتايەۆ تەحنولوگيالىق جاڭعىرتۋ بويىنشا قولدانىلىپ جاتقان شارالارمەن جانە كاسىپورىندى دامىتۋ پەرسپەكتيۆالارىمەن تانىستى، دەپ جازادى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.
باقىتجان ساعىنتايەۆ كرەمنيي بالقىتپاسىن شىعارۋ، تازارتۋ جانە قۇيۋ جۇزەگە اسىرىلاتىن وندىرىستىك سەحتاردى ارالاپ شىقتى، سونداي-اق كرەمنييدى ارالىق ساقتاۋ قويماسىنا باردى.
«Tau-Ken Temir» ج ش س باسقارما ءتوراعاسى مۇرات جۇكەنوۆ ق ر پرەمەر-مينيسترى باقىتجان ساعىنتايەۆقا تەحنولوگيالىق ۇدەرىستەردىڭ ەرەكشەلىكتەرى تۋرالى، سونداي-اق كاسىپورىندى دامىتۋ بويىنشا اعىمداعى جەتىستىكتەر مەن جوسپارلار تۋرالى باياندادى.
2018-2019 جىلدارى 1،5 ملرد. تەڭگە سوماعا ينۆەستيسيالىق باعدارلامانى ىسكە اسىرۋ جوسپارلانعان، ول شيكىقۇرامالىق ماتەريالدار قويماسىن سالۋدى، پاركتى جاڭارتۋدى جانە تەحنولوگيالىق جابدىقتاردى جاڭعىرتۋدى كوزدەيدى.
پىكىر قالدىرۋ