وزبەكستاندا ەكس-پرەزيدەنت يسلام كارىموۆتىڭ قىزى گۇلنار كارىموۆانى تۇتقىندادى. بۇل تۋرالى ۇيىمداسقان قىلمىس پەن جەمقورلىققا قارسى كۇرەس جونىندە باسقارما وكىلى حابارلايدى، دەپ جازادى Qamshy.kz اقپارات اگەنتتىگى.

كارىموۆانىڭ ۇستىنەن توناۋ، كەدەن زاڭناماسىن بۇزۋ، شەتەلدىك ۆاليۋتانى جاسىرۋ، ساۋدا ەرەجەسىن بۇزۋ مەن جالعان قۇجاتتار جاساۋ ىستەرى بويىنشا قىلمىستىق ءىس قوزعالدى.

باس پروكۋراتۋرانىڭ مالىمەتىنشە، قىلمىستىق تەرگەۋ بارىسىندا ءۇش كومپانيانىڭ سالىعىن تولەۋدەن جالتارعانى – كارىموۆانىڭ ولاردىڭ قىلمىسىنا تىكەلەي قاتىسى بولعانىن كورسەتتى.

سونداي-اق تاشكەنت كارىموۆا بايلانىسقان وزگە دە مەملەكەتتەردەگى قىلمىستىق توپتارعا قاتىسى بار اكتيۆتەردى سوتتاۋعا شاقىردى.

«تەرگەۋ مالىمەتى بويىنشا، 12 شەتەلدىك مەملەكەتتەردە ۇيىمداسقان قىلمىستىق توپتاردىڭ 1،394 ملرد. دوللار، 27،1 ملن. فۋنت جانە 18،5 ملن. فۋنت قارجىعا راسىمدەلگەن اكتيۆتەرى انىقتالدى»، - دەلىنگەن حابارلامادا.

قۇقىققورعاۋ ورگاندارى شۆەيساريادان 777،8 ملن. دوللار، كولوني قالاسىنان 18،5 ملن. فرانك تۇراتىن ۆيللا تاپقان. سونداي-اق قىلمىستىق توپتارعا فرانسيا،گونكونگ، شۆەسيا، ۇلىبريتانيا، لاتۆيا، يرلانديا، ءباا، مالتە جانە يسپانيا ەلدەرىندەگى اقشا مەن دۇنيە-مۇلىكتەر تىركەلگەن.

وزبەكستان تەرگەۋشىلەرى رەسەيدەن 6 ملن. بولاتىن اكتيۆتەردى تاپتى. ولاردىڭ قاتارىنا «كامەلتو» تۇرعىن ءۇي كەشەنىندەگى پەنتحاۋس، «رۋبليەۆكا» سىلەمىندەگى جەكەجاي، ماسكەۋدەن 8 پاتەر، قوناق ءۇي، يالتاداعى جەر تەلىمدەرى كىرەدى. تەرگەۋشىلەردىڭ مالىمەتىنە سايكەس، كارىموۆانىڭ كىناسىن قىلمىستىق توپتاردىڭ مۇشەلەرى راستادى.

ايتا كەتەيىك، 2015 جىلى «اقشا جىمقىرۋ، توناۋ سىندى قىلمىستىق ىستەرمەن اينالىسقان» دەگەن ايىپتار تاعىلعان كارىموۆانى 5 جىلعا سوتتاعان.

گۇلنار كارىموۆا كوپشىلىك الدىنا 2014 جىلدان بەرى شىقپايتىن بولعان. ول اكەسىنىڭ جەرلەۋ راسىمىنە دە قاتىسقان جوق. سول كەزدەگى اقپاراتتارعا سۇيەنسەك، ونى ءۇي قاماۋىنا اۋىستىرعان. سول جىلى شۆەيساريا بيلىگى جەمقورلىققا قاتىستى قىلمىستىق ءىس قوزعادى.

وزبەكستاندا ءتيىمدى كەلىسىمگە قول جەتكىزۋ ءۇشىن شەتەلدىك كومپانيالار كارىموۆاعا پارا بەرگەن دەگەن بولجام بار. شۆەيساريا بيلىگى ونىڭ ەسەبىندەگى 650 ميلليون ەۆرونى قۇلىپتاپ تاستادى.