« 2014 جىلدىڭ 1 جەلتوقسانىندا، قازاقستان رەسپۋبليكاسىنىڭ تۇڭعىش پرەزيدەنتى كۇنىن مەرەكەلەۋ اياسىندا استانا قالاسى، رەسپۋبليكالىق «سارىارقا» ۆەلوترەگىندە STREET WORKOUT-تان الەم چەمپيوناتى وتەدى»،- دەپ حابارلايدى ۇشك جانە سر د باسپا ءسوز قىزمەتى.
STREET WORKOUT – قازاق سپورتىنداعى جاڭا باعىت، جاڭا سەرپىلىس! العاش اقش-تا بەلەڭ العان بۇل سپورت ءتۇرى قازىرگى تاڭدا قازاق جاستارى اراسىندا دا تانىمالدىلىققا يە. ءتاندى شىنىقتىرىپ، جاندى تىنىقتىرام دەگەندەرگە سپورتتىڭ بۇل تۇرىمەن اينالىسۋ قۇبا-قۇپ. بۇنىمەن قوسا، STREET WORKOUT قاتاڭ تارتىپكە باۋليدى، رۋحتى شىڭدايدى، جاڭا جەتىستىككە جىگەرلەندىرە وتىرىپ، بيىك ماقساتتارعا جەتەلەيدى. جانە باستىسى – ءوزىن-وزى جەتىلدىرۋدە ايتارلىقتاي سەپتىگىن تيگىزەدى. شىندىعىندا، كەز-كەلگەنىڭدى سالاۋاتتى ءومىر سالتىن ۇستانۋعا شاقىراتىن بۇل شارانىڭ ءمان ماڭىزى زور.. نە دە بولسا، بۇل، STREET WORKOUT -جاستارىمىزدى عالامتوردىڭ شىرماۋىنان، اراق-شاراپتىڭ تۇساۋىنان قۇتقارار دۇنيە دەپ بىلەمىز.
75 ەلدىڭ سپورتشىلارىنىڭ باسىن قوسپاق وسىناۋ الەمدىك دوداعا STREET WORKOUT سپورتى بويىنشا التى قۇرلىققا اتى ايگىلى Hannibal For King كەلەدى دەپ كۇتىلۋدە.
ايتا كەتەلىك، ستريت ۆوركاۋتتان الەم بىرىنشىلىگىندە قازاق ەلىنىڭ نامىسىن دياس بيدجييەۆ قورعاماق. باتىرىمىزعا بارىنشا قولداۋ كورسەتەيىك، اعايىن!
چەمپيونات بارىسىن تولىقتاي كورمەندەرگە جەتكىزۋ «KazSport» ارناسىنىڭ ەنشىسىندە. باستالۋى ساعات 16:30-دا، قالىس قالماڭىزدار!
نازەركە توعجانوۆا
