بيسسيميللاھير راحمانير راحيم! ەلىمىزدىڭ يسلام ءدىنىنىڭ ورىنى ەرەكشە. ءسالت-داستۇر، ادەت-عۇرپىمىزدىڭ دا كەي تۇستارى ءدىننىڭ نەگىزىندە قالىپتاسىپ، حاديستەردىڭ قامتيتىن مازمۇنى تىيىم سوزدەر فورماسىندا جەتكىزىلىپ وتىردى. جاراتۋشىدان جەر بەتىنە جىبەرىلگەن سوڭعى پايعامبار مۋحامماد س.ا.ۋ بولسا، تۇسىرگەن قاسيەتتى 4 كىتاپتىڭ سوڭعىسى وسى فۋرقان ياعني قۇران ەدى. ءقازىر شۇكىر، كەز-كەلگەن ءوزىن مۇسىلمان ساناعان مومىننىڭ قاسيەتتى كىتاپتى قاراجاتىنا ساتىپ الۋعا شاماسى جەتەدى. ۇزاسا تەڭگەمىزبەن 2-3 مىڭداي بولىپ قالادى. جاقىندا  ويلماعان جەردەن عالامتوردان مىنانداي جارناماعا كوزىپ ءتۇسىپ كەتتى. قاراسام، قۇران كىتاپتىڭ ەجەلگى باسىلىمى مەن  عالىمداردىڭ قولجاسباسى كۇيىندە جەتكەن نۇسقاسى بولىپ شىقتى. ولار مىنە، تومەندەگىدەي:

 بۇل حيجرا جىل ساناعى بويىنشا 1245 جىلدان قولجازبا كۇيىندە جەتكەن نۇسقاسى. ساتىلىمداعى باعاسى 16 000 اقش دوللارى. جارناما يەسىنە حابرلاسىپ كورگەنىمىزدە بۇل كىتاپتى ساۋد ارابياسىنان ساۋدالاپتى. قازىرگى سوماسىنان  ەكى ەسەگە ارزان باعادا. نەگىزى ماقساتى ساتۋ ءۇشىن اكەلگەن ەكەن. كىتاپتى ساتىلىمعا شىعارعان راميل ەسىمدى جىگىت.

 بۇل كىتاپ حيجرا جىل ساناعى بويىنشا 1103 جىلى ياعني 1692 جىلى جازىلعان كىتاپ. پاراقتارى بىلعارىدان جاسالىپ، جان-جاعى التىنداتىلعان ەكەن.  ساتىلىمداعى باعاسى 250 000 اقش دوللارى

بۇل گريگوريان كۇنتىزبەسى بويىنششا 1808 جىلى شىققان كىتاپ. قايتا وڭدەۋدەن وتكەن. كىتاپتى شىعارۋعا 3 شەبەر جۇمىس ىستەگەن. ساتىلىم باعاسى 250 000 اقش دوللارى.

 بۇل كىتاپ حVءى عاسىرعا تيەسىلى قۇندى مۇرا. مۇقاباسى بىلعارى، وڭدەلمەگەن، وڭدەۋدەن وتسە باعاسى دا وسەدى دەپ جازىپ قويىپتى. ساتىلىمداعى باعاسى 4 400 000 تگ. بۇل ءۇش جارنامانىڭ يەسى ماقسات ەسىمدى جىگىت.

بۇل كىتاپتىڭ ناقتى جارىققا شىققان جىلى بەرىلمەگەن. ۇستىنىنا قاراپ 1-2 عاسىرلىق تاريحى بار ەكەنىن بولجاۋعا بولادى. ساتىلىم باعاسى 100 000 اقش دوللارى. ساتۋشى ساعادات ەسىمدى جىگىت. ايتۋى بويىنشا اتا-باباسىنان كەلە جاتقان جادىگەر ەكەن.  حابارلاسىپ سۇراعانىمىزدا « ونى ەشكىم وقي المايدى بىزدەن، سول ءۇشىن ساتىپ وتىرمىز» دەگەن جاۋاپ الدىق.

بۇل كىتاپ حVءىى عاسىردا شىققان كىتاپ. ساتۋشى سۇلتان ەسىمدى جىگىت. وكىنىشكە وراي، كىتاپ قۇنىن ايتپاپتى.

مىنە، عالامتور بەتىندەگى عالاماتتار وسى بولدى. قاسيەتتى،  قۇندى كىتاپتىڭ قۇنى دا جوعارى ەكەنىن كوردىك. قالتاسى كوتەرەر كىسىلەردىڭ عانا مۇمكىندىگى بار تاريحي جادىگەر. نيەتىمىز  وڭ بولسا قۇراندى قاي نۇسقادان وقىساق تا ينشااللا الار ساۋبىمىز بىردەي بولماق. مىناداي قاسيەتتى تاريحي جادىگەردىڭ تەك ۇيگە كورىك بەرەر جيھاز بولىپ قالماسا جارادى.

ورىنباسار باقىتبەكوۆ