بۇگىن قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ قىرعىز رەسپۋبليكاسىنىڭ پرەمەر-مينيسترى سوورونباي جەەنبەكوۆپەن كەزدەسۋ وتكىزدى. بۇل تۋرالى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا ەكىجاقتى ىنتىماقتاستىقتى ودان ءارى دامىتۋ، ونىڭ ىشىندە تەحنيكالىق كومەك كورسەتۋ، تەمىرجول تاريفتەرىن سايكەستەندىرۋ، ازاماتتارعا قويىلاتىن كوشى-قون تالاپتارىن جەڭىلدەتۋ سالالارىنداعى ماسەلەلەر تالقىلاندى.
تاراپتار قازاقستان مەن قىرعىزستان اراسىنداعى ىنتىماقتاستىقتىڭ 2017–2020 جىلدارعا ارنالعان كەشەندى باعدارلاماسىن ازىرلەۋدەگى ەلەۋلى ىلگەرىلەۋدى اتاپ ءوتتى، ول ەكى ەل اراسىنداعى تاياۋ كەلەشەككە باعدارلانعان ستراتەگيالىق سەرىكتەستىك پەن ءوزارا ءتيىمدى قارىم-قاتىناستاردى دامىتۋ مەن نىعايتۋدىڭ جول كارتاسىنا اينالۋى ءتيىس.
بۇدان وزگە، پرەمەر-مينيسترلەر ەكى تاراپتىڭ قازاقستاندىق-قىرعىز مەملەكەتتىك شەكاراسىن مەجەلەۋ بويىنشا شارتقا قول قويۋعا ازىرلىك دەڭگەيىن باعالادى.
سونىمەن قاتار ەكى ەلدىڭ وڭىرلىك ۇيىمدارداعى، سونىڭ ىشىندە تۇركىتىلدەس مەملەكەتتەر ىنتىماقتاستىعى كەڭەسىنىڭ اياسىنداعى ءوزارا ءىس-قيمىلى تاقىرىپتارى قوزعالدى.
