ءدىن اتىن جامىلعان دۇمشەلەر دۇنيە جۇزىنە ءقاۋىپ ءتوندىرىپ تۇر. نيگەريادا جارىلىس سالدارىنان 120 ادام قازا تاۋىپ، 250 ادام ءار ءتۇرلى دەڭگەيدەگى دەنە جاراقاتتارىن العان. بۇل تۋرالى ريانوۆوستي حابارلايدى.

قاسيەتتى جۇما كۇنى قۇلشىلىققا جينالعان جۇرت مەشىت اۋلاسىنا كىرە بەرە قوس لاڭكەس بومبانى ىسكە قوسىپ، جارىلىستان قاشقان جۇرتقا قارۋلانعان تەرروريستەر وق جاۋدىرعان. پوليسەيلەر بۇل تەرراكتىگە قانشا ادام قاتىسقانىن ناقتى ايتا الماي وتىر، انىعى سودىرلاردىڭ 4-ەۋى مەرت بولىپتى.

بۇل ايماقتاعى 4 تەرروريستتىك ۇيىم دا بولعان جاعدايدى ءوز مويىندارىنا الماي وتىر. زەرتتەۋشىلەر بولجامى بويىنشا بۇل تەرراكتىنە راديكالدى يسلامشى توپ «بوكو حارامنىڭ» ۇيىمداستىرۋى مۇمكىن دەگەن بولجام جاساپ وتىر. بۇل ۇيىم نيگەريادا تەرراكتىلەر جاساۋدا بەلسەندى ۇيىم رەتىندە تانىلعان. جاقىندا سيرياداعى قازاق بۇلدىرشىندەرىنىڭ وسىنداي سودىرلىق ارەكەتتەرگە ۇيرەتىلىپ جاتقاندىعى تۋرالى ۆيدەو جارىققا شىققان بولاتىن.