بۇكىلالەمدىك «80 Days Race» 2019 جىلى وتەتىن العاشقى شارا. 40-تان استام كوماندا پاريجدەگى ەيفەل مۇناراسى جانىنان جارىستى باستاپ، الەمنىڭ 8 ءىرى قالالارىن قازبا جانار-جاعارمايىن قولدانباي ارالاپ شىعادى. كوماندالار 80 كۇن ىشىندە 40 000-عا جۋىق شاقىرىمدى باعىندىرۋ كەرەك. تەك قالىپقا كەلەتىن رەسۋرتسار ارقىلى جۇمىس ىستەيتىن كولىك قۇرالىن پايدالانىپ، كۇنىنە 500 شاقىرىمدى ءجۇرىپ وتۋلەرى ءتيىس.

جۋرناليستەر جارىس وكىلدەرىمەن، جارىستىڭ قۇرمەتتى وكىلى بەرتران پيككارمەن، «80 Days Race» جارىسىنىڭ نەگىزىن قالاۋشىلاردىڭ ءبىرى فرانك ماندەرسونمەن جانە دوداعا قاتىسۋشى، استاناعا ءوزىنىڭ ەلەكترموبيلىندە جەتكەن كريس رامسيمەن كەزدەستى.

-قازاقستان – تەز دامىپ جاتقان جانە ءوزىنىڭ بولاشاعىن جاساپ جاتقان يننوۆاسيالىق، ءورشىل ەل. استانا – بۇل مەملەكەتتىڭ دامۋ ايعاعى. قازاقستاننىڭ جاڭارۋعا اشىقتىعى جانە ونىڭ بولاشاقتىڭ تەحنولوگياسىن ينۆەستيسيالاندىرۋ ۇمتىلىسى «بولاشاقتىڭ ەنەرگياسى» ەكسپو-2017 جوباسىندا توپتاستىرىلعان. «80 Days Race» جوباسى دا بولاشاقتىڭ تەحنولوگياسىن العا دامىتۋعا باعىتتالعان. جوبا ءبىزدىڭ جارقىن، تازا، جاڭا بولاشاققا ۇلەسىمىزدى قوسۋىمىز، تۇراقتى تەحنولوگيانىڭ دامۋىنا سەپتىگىمىزدى تيگىزۋىمىز بولىپ تابىلادى، – دەدى «80 Days Race» جارىسىنىڭ نەگىزىن قالاۋشىلاردىڭ ءبىرى ف.ماندەرس. 

استانا – قاتىسۋشىلار وتەتىن سەگىز قالالاردىڭ ءبىرى بولادى. پرەسس-كونفەرەنسيا اياسىندا «استانا كونۆەنشن بيۋرو» ج ش س ديرەكتورى س.ە.ايتەكەنوۆ پەن 80 Days Race B.V. كومپانياسىنىڭ ديرەكتورى فرەنك ماندەسر اراسىندا ارىپتەستىك تۋرالى مەموراندۋمعا قول قويىلدى. مەموراندۋمنىڭ ماقساتى – استانا قالاسىندا وتەتىن «80 Day Race» جارىسىنىڭ وتۋىنە دايىندىق جۇرگىزۋ. 

– استانادا مۇنداي دەڭگەيدەگى شارانى وتكىزۋ بولاشاقتىڭ تەحنولوگياسىن دامىتۋ باعىتىنداعى ۇلكەن قادام بولىپ تابىلادى. ءبىز ونى وتكىزۋگە قالانى دايىنداۋعا قۋانىشتىمىز، – دەيدى «استانا كونۆەنشن بيۋرو» ج ش س ديرەكتورى سانيار ايتەكەنوۆ.