ەگەر بەنزيننىڭ باعاسى قارابالين مىرزا ايتقانداي بولسا، ياعني 300 تەڭگەدەن اسسا، الداعى جىلدان باستاپ الەۋمەتتىك كۇيزەلىستەر ءورشي تۇسەدى، بەنزيننىڭ قازىرگى 128 تەڭگە باعاسى ونسىز دا ەسىمىزدى شىعارىپ جاتىر. سونىڭ سالدارىنان حالىق تۇتىناتىن قاراپايىم ازىق-تۇلىك، كوگونىس، جەمىس-جيدەك قىستى ايتپاي-اق قويايىق، جازدىڭ وزىندە شارىقتاپ تۇردى. ءقازىر ءاربىرىمىز جالعانىپ ءومىر ءسۇرىپ جاتىرمىز. ايلىقتان ايلىققا ەمەس، قارىزدان قارىزعا. جۇرتتىڭ ءبارى بيزنەسمەن ەمەس، نە تەندەردىڭ قۇلاعىندا وتىرعان شەنەۋلىك ەمەس. حوتيا بيزنەسمەننىڭ كورگەنى دە شىقپا جىنىم شىقپا بوپ ءجۇر. ونىڭ دا باسىنا ەرتەڭ جاڭا جىلدان كەيىن قولى قىشىپ وتىرعان تەكسەرۋلەر ۇمتىلادى. ويتكەنى تەكسەرەتىندەردىڭ دە قالتاسىن بەنزيننىڭ قىمباتشىلىعى، ۇيىندەگى جاعدايى قاجىتۋدا. قايسىسى ءماز بوپ ءجۇر دەيسىڭ؟! ءارقايسىسىنىڭ ءوز پروبلەمالارى جەتكىلىكتى. ەۋروپادا پوليسيانىڭ ءوزى شەرۋلەرگە شىعۋدا. زاڭدىلىق تا، راسىندا الداعى جىلى قاتتى ەكونوميكالىق داعدارىستىڭ شەتى كورىنۋدە. جولداۋدىڭ ءوزى ەرتە بولعانى بەكەر ەمەس. كۇتىلەتىن جاعدايدى الدىن الۋ، بەنزين باعاسىن كوتەرۋ ارقىلى مۇنايعا تاۋەلدى بوپ وتىرعان ەلدىڭ قازىناسىنىڭ شايقالماۋىن كۇيتتەۋ، سەبەبى بىزدە ايفون، پلانشەت، نوۋتبۋك، تراكتور، تەليەۆيزور، كامەرا، دجينسي، مىقتى تۋريزم سالاسى سياقتى الەمدىك برەندتەردىڭ ءونىمى مەن قىزمەتى تۇتانباي جاتىپ وشكەن...؟! سوندىقتان، بەنزيننىڭ باعاسىن كوتەرۋ كەرەك دەپ جاتىر، ءبىراق تاياقتىڭ ءبىر ۇشى بار - حالىق دەگەن. سونىڭ وشىگۋى ارتىپ، قارىزى كوبەيىپ، تەك قانا زا "ۆىجيەۆانيە" ءۇشىن كۇرەسى ارتادى. وسى رەتتە، كوپ ويلانۋ كەرەك، بالاما جەڭىلدىكتەر، الەۋمەتتىك مۇمكىندىكتەردى كوبەيتىپ، رەتسىز تويلاۋدى توقتاتۋ كەرەك. وتپەن وينايتىن زاماننان ساقتاسىن، بولا قالسا، حالىققا تەك قانا سابىرلىق بەرە گور دەيمىن!!!

(ماقسات جاقاۋدىڭ فەيسبۋكتەگى پاراقشاسىنان)