دۇنيەدەگى ەڭ قاسيەتتى ءارى ابىرويلى كۇرەس - ۇلت ازاتتىعى ءۇشىن كۇرەس. ەڭ ءقادىرلى دە قاسيەتتى وسى ۇلت ازاتتىعى ءۇشىن كۇرەستە كوزسىز ەرلىككە بارعان نەمەسە وسى جولدا قاسىق قانىن قيعان ادام - دۇنيەدەگى تەڭدەسى جوق ۇلى تۇلعا. ءبىراق، مۇنداي ابىرويلى مىندەت - كەز كەلگەن پەندەنىڭ پەشەنەسىنە جازىلا بەرمەگەن.
ال، وسىنداي ۇلت ازاتتىعى ءۇشىن كۇرەس - قازاقتا، قازاق ەلى تاريحىندا بولىپ پا ەدى؟ جانە دە وسى ۇلت ازاتتىعى جولىنداعى ۇلى كۇرەستە - تەڭدەسى جوق ەرلىككە بارعان نەمەسە وسى جولدا قۇربان بولعان ۇلى تۇلعالار تۋرالى نە ايتۋعا بولادى؟
قازاق تاريحىنداعى ۇلت ازاتتىعى ءۇشىن قاشان، قانداي كۇرەستەر بولدى؟
ۇلت ازاتتىعى جولىنداعى كۇرەستە - قازاقتان قانداي ۇلت قاحارماندارى شىقتى؟
سوناۋ 1991 جىلى 16-جەلتوقساندا جاريالانعان قازاقستان رەسپۋبليكاسىنىڭ تاۋەلسىزدىگى - شىن مانىندەگى ۇلت ازاتتىعى ءۇلشىن بولعان كۇرەستىڭ ناتيجەسى دەپ ايتا الامىز با؟
1986 جىلى الماتىدا باستاۋ العان جەلتوقسان كوتەرىلىسىن - ۇلت ازاتتىعى ءۇشىن بولعان كۇرەس دەپ ايتا الامىز با؟..
قازاق ەلى تاۋەلسىزدىگىن جاريالاعالى بەرى ارادا شيرەك عاسىرعا جۋىق ۋاقىت بولىپتى.
وسى تاۋەلسىزدىك جىلدارى ىشىندە قازاق ۇلتىن اڭساعان ارمانىنا جەتكەن ۇلت دەپ ايتا الامىز با؟
كەشەگى قىزىل كوممۋنيستەر بۇگىن قازاق ۇلتى ءۇشىن نە ىستەدى؟ قازاق ۇلتىن شىن مانىندەگى ۇشپاققا جەتكىزە الدى ما؟
قازاق ەلىنىڭ وسى تاۋەلسىزدىگى - قازاققا قانداي جولمەن بۇيىردى؟
ۇلت ازاتتىعى ءۇشىن كۇرەس بولماعان ەلدە - شىن مانىندەگى تاۋەلسىز مەملەكەت ومىرگە كەلە مە؟
قازاق ۇلتىنىڭ 250 جىل ورىس پاتشالىعىنا بودان بولۋى، 70 جىلدان استام اتى - «كەڭەستىك»، زاتى - ورىستىق وتارشىلدىق بوداندىق قامىتىن كيۋى - ۇلتىمىزدى قانداي قۇندىلىقتاردان ايىردى؟
قازاقتى قايتادان ورىسقا ماڭگىلىككە بوداندىققا بەرۋ ءۇشىن رەسەي، بەلارۋس، قازاقستان باسشىلارى ادەيى قولدان جاساعان «ەۋرازيالىق ەكونوميكالىق وداق» دەگەن قوراعا كىرگىزىپ جىبەرۋىن - قالاي تۇسىنەسىز؟
توق ەتەرىن ايتقاندا، قازاق قايتادان ورىسقا قۇل بولىپ كەتە بەرمەك پە؟
مىنە، وسىنداي تىعىرىققا تىرەلگەن ۇلتتا - ۇلت ازاتتىعى ءۇشىن كۇرەس بولۋى مۇمكىن بە؟
ۇلت ازاتتىعى ءۇشىن كۇرەس بولا قالعان جاعدايدا، قازاقتان ۇلت قاحارماندارى شىعاتىنىنا ءوز باسىڭىز سەنەسىز بە؟..
مىنە، وسى جانە ت.ب. سۇراقتاردى وقىرماندارىما قويا وتىرىپ، ازاماتتارمەن پىكىر الماسقىم كەلەدى.
جانە بۇل پىكىر الماسۋ - قۇداي قولداسا، تاياۋ ارادا ۇزىلىستەن كەيىن ءوز جۇمىسىن قايتا باستايتىن، ءوزىم جەتەكشىسى بولىپ تابىلاتىن «تانىم» پىكىرسايىس كلۋبىندا كوتەرىلەتىن بولادى
«تانىم» پىكىرسايىس كلۋبىنىڭ قانداي تاقىرىپپەن، قاي كەزدە جانە قاي ارادا بولاتىنىن كۇنى بۇرىن حابارلايتىن بولامىز.
جۇماش كەنەباي (كوكبورى)
