جۇڭگو قازاقستاندا يادرولىق وتىن وندىرەتىن زاۋىت سالۋعا ءازىر ەكەنىن ءبىلدىرىپ وتىر. بۇل تۋرالى قحر استاناسىندا وتكەن ەنەرگەتيكا سالاسىنداعى ىنتىماقتاستىق ماسەلەسىنە ارنالعان 8ء-شى قازاقستان-قىتاي كەڭەسىندە قىتايدىڭ ۇلتتىق يادرولىق كورپوراسياسىنىڭ ديرەكتورى (CNNC) ساو شۋدۋن حابارلادى.
ونىڭ ايتۋىنشا، يادرولىق تەحنولوگيالار ەكسپورتى - قىتايدىڭ مەملەكەتتىك ستارتەگياسى. «ءبىز ءوز ونىمدەرىمىزدى پاكىستان، ارگەنتينا سىندى ەلدەرگە ەكسپورتتاۋعا ىنتالىمىز»، - دەدى ول.
ساو شۋدۋننىڭ ايتۋىنشا، CNNC 2000 جىلداردان بەرى ۋران رەسۋرسىن وندىرۋدە «قازاتومپروممەن» ىنتىماقتاستىقتى كەزەڭ-كەزەڭىمەن نىعايتىپ كەلەدى.
سونداي-اق ول قازاقستاننىڭ تابيعي ۋرانىن قىتايعا ەكسپورتتاۋ بويىنشا ناتيجەلى جۇمىستار اتقارىلعانىن ايتتى. تاراپتار 10 جىل ىشىندە اتالعان شيكىزات ءونىمىن تاسىمالداۋ تۋرالى كەلىسىمگە قول قويعان.
