قىتايداعى قانداستارىمىز اراسىندا كەڭىنەن تانىمال«داستارحان» ماركالى ازىق-تۇلىك ونىمدەر كومپانياسى كوك تۋمەن بەزەندىرىلگەن كامپيتتەر شىعارا باستادى. باعاسى ءبىزدىڭ اقشامەن مولشەرلەگەندە 200-700 تەڭگە ارالىعىندا. ەستەرىڭىزدە بولسا قازاقستان تۋىنا ۇقساتىلعان تاۋار بەلگىسى دە شىققان جۇڭگو جۇرتىنان. ءتىپتى ءىش كيىمگە باسىلعان قازاقستان تۋىنا دا كۋا بولعانبىز. شىڭجاڭ قازاقتارىنا قازاقستان تۋرالى اقپاراتتاردى مۇمكىندىگىنشە از ۇسىناتىن اسپان استى ەلىنەن ەندى قازاقى ماركالى، كوك تۋمەن كومكەرلىگەن كاميتتى كورگەندە تاڭىرقاعانىمىزدى جاسىرمايمىز.

ءبىر قىزىعى، قىتايداعى قانداستارىمزى مۇنداي كامپيت تۇرىنە ءارتۇرلى كوزقاراس ۇستانۋدا. ءبىرى، بۇل كەرەمەت بولدى، قازاق ەلىنىڭ تۋىن داستارحانىمىزدان كورىپ وتىرساق، كوڭىلىمىز جايلانادى ەكەن دەسە، ءبىرى جەپ بولعاننان كەيىن اياققا تاپتالادى، سوندىقتان مۇنداي دۇنيەگە مۇلدەم توسقاۋىل قويۋ كەرەك دەيدى.

«داستارحان» ماركالى ونىمدەردىڭ تەك شىڭجاڭ قازاقتارىنا ارنالعانىن ەسكەرسەك، كوك تۋمەن كومكەرلىگەن كامپيتتىڭ بولعانى دۇرىس شىعار. ويتكەنى جۇڭگو ەلى وزگە مەملەكەتتىڭ تۋىن تورىنە شىعارا بەرمەيدى. ال، مىناۋ جۇرەگى ەلىم دەپ سوعاتىن قازاقتارعا تاپتىرماس وراي بولعان سەكىلدى. قىتايداعى ءقازاقتىلدى ينتەرنەت بەتتەرىندەگى پىكىرلەرگە قاراپ وتىرساق، بىرەۋلەر بۇل كامپيتتىڭ ىشكى قىتايدان ياعني تازا جۇڭگو ۇلتىنىڭ قولىنان شىعاتىن دۇنيە ەكەنىنە ناليدى.

نە دەسەك تە، شىڭجاڭدى مەكەندەگەن ۇلتجاندى باۋىرلارىمىز كوك تۋدى كۇندەلىكتى كورسە، كوپ ويعا قالاتىنى ءسوزسىز. ءتىپتى سول ءدامنىڭ قاسيەتىمەن ات باسىن اتامەكەنگە بۇراتىن ازاماتتاردا بولۋى عاجاپ ەمەس. ءسىز نە دەيسىز؟