اتىراۋدا جيەنى مەن قارىنداسىنا ازعىندىق ارەكەت جاساپ، زورلاماقشى بولعان جىگىتكە سوت ۇكىمى شىقتى. اتالمىش ءىستى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى قاراعان. بۇل تۋرالى جەرگىلىكتى atr.kz رەداكسياسىنا وبلىستىق سوتتىڭ باسپا ءسوز قىزمەتى حابارلاعان، دەپ جازادى Qamshy.kz اقپارات اگەنتتىگى.

باسپا ءسوز قىزمەتى ءمالىم ەتكەندەي، بيىلعى جىلدىڭ ماۋسىم ايىندا سوتتالۋشى 5 جاستاعى جيەنى مەن 13 جاسار قارىنداسى ۇيدە جالعىز قالعانىن پايدالانىپ، ولاردى قورقىتىپ شەشىندىرگەن. ءسويتىپ، ازعىندىق سيپاتتاعى ارەكەتتەردى تىرىسقان. ال كەزدە قىزدار ايقايعا باسىپ، جىلاي باستاعان سوڭ كىشكەنتايلاردىڭ اكەسى ۇيگە جۇگىرىپ كىرگەن.

اتالعان قىلمىستىق ءىستى  قاراۋ بارىسىندا سوت القاسى سوتتالۋشىنىڭ كامەلەتكە تولماعاندارعا قاتىستى سەكسۋالدىق سيپاتتاعى زورلىق-زومبىلىق ارەكەتتەرى ءۇشىن كىنالى دەپ تانۋ تۋرالى شەشىم قابىلدادى.

ناتيجەسىندە قىلمىستىق كودەكستىڭ 124-بابىنىڭ ءبىرىنشى بولىمىنە سايكەس قىلمىسكەرگە 10 جىل مەرزىمگە باس بوستاندىعىنان ايىرۋ جازاسى تاعايىندالدى. سونداي-اق، سوت ۇكىمىمەن ول پەداگوگيكالىق جانە وزگە دە لاۋازىمداردى اتقارۋ قۇقىعىنان ءومىر بويىنا ايىرىلدى.