اتىراۋ وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا بەسىكتى اۋىلىنىڭ 28 جاستاعى تۇرعىنى سەگىز جاستاعى ايكوركەم الدامجاردى زورلاپ، ولتىرگەنى ءۇشىن سوتتادى، - دەپ حابارلايدى Qamshy.kz اقپارات اگەنتتىگى "اق جايىق" سايتىنا سىلتەمە جاساي وتىرىپ.
پروسەسس باسپاسوزگە جابىق تارتىپتە ءوتتى. جۋرناليستەر ۇكىم شىعارىلعان كەزدە عانا سوت زالىنا كىرە الدى. ەر ادام اۋىرلاتاتىن جاعدايدا ادام زورلادى جانە ءولتىردى دەپ تانىلدى. وعان بارىنشا قاۋىپسىزدەندىرىلگەن كولونياعا 25 جىلعا باس بوستاندىعىنان ايىرۋ جازاسى تاعايىندالدى. جالپى جازا مەرزىمىنىڭ العاشقى ءۇش جىلىن ەر ادام تولىقتاي ءقاۋىپسىز جەردە وتەيدى.
سونداي-اق، كامەلەتكە تولماعاندارمەن جانە قارۋمەن بايلانىستى جۇمىس ىستەۋ قۇقىعىنان ءومىر بويىنا الاستاتىلدى. مۇنىڭ ۇستىنە، ول قازا تاپقان قىزدىڭ شەشەسىنە مورالدىق شىعىن رەتىندە 5 ميلليون تەڭگە وتەپ بەرۋى ءتيىس. سوتتالۋشى ۇكىمگە 15 كۇننىڭ ىشىندە شاعىم تۇسىرە الادى.
