«Playboy» ەرلەر جۋرنالىن اشقان حيۋ حەفنەر دۇنيەدەن ءوتتى،- دەپ حابارلايدى Qamshy.kz اقپارات اگەنتتىگى. 1960 جىلدارى سەكسۋالدىق ريەۆوليۋسيا ورناتقان جۋرنالدى حيۋ حەفنەر 1953 جىلى $600 قارجىنى ءوز قالتاسىنان شىعارىپ اشقان بولاتىن. ناتيجەسىندە، جۋرنال مۋلتيميلليون-دوللار قارجى اكەلەتىن تابىس كوزىنە اينالىپ، تەلە باعدارلامالارى مەن دجاز فەستيۆالدارى جانە «Playboy» تۇنگى كلۋبى بىرگە قوسىلىپ جۇمىس جاسايتىن وراسان كاسىپكە اينالدى.  

اتى اڭىزعا اينالعان حيۋ قانشاما جاس، تىپتەن وزىنەن ەكى-ۇش ەسە جاسى كىشى بيكەشتەرمەن كوڭىل قوسىپ، ونى تەلە شوۋعا اينالدىردى.

ول ءوزى تۋرالى ايتقاندا: «مەنى الەمدى جاقسى جاعىنان: الەۋمەتتىك، سەكسۋالدىق كوزقاراس جونىنەن وزگەرىس الىپ كەلگەن تۇلعا رەتىندە ەستە ساقتاسا رازى بولۋشى ەدىم»،- دەگەن. وعان قوسا، ول ءوزىن كوپ ارمانداعان بالاعا جانە سول ارماندى جۇزەگە اسىرعان جانعا تەڭەيدى.  

حەفنەر 1926 جىلى ءساۋىردىڭ 9-دا چيكاگودا ەسەپشى گلەن مەن ءمۇعالىم گرەيس حەفنەرلەردىڭ وتباسىندا دۇنيەگە كەلگەن. اتا-اناسىنىڭ ەكەۋى دە كونسەرۆاتيۆتى نەبراسكالىق پروتەستانتتار بولعان.

2011 جىلى «The Hollywood Reporter»-گە بەرگەن سۇحباتىندا حيۋ «مەنىڭ اكە-شەشەم وتە تاربيەلى جانە جاقسى ادامدار، ءبىراق ءبىزدىڭ ۇيىمىزدە بالانى قۇشاقتاپ ايمالاۋ مەن ءسۇيۋ دەگەن بولمايتىن»،- دەدى.

1944 جىلى جوعارعى وقۋ ورنىن ءتامامداعان حيۋ، اقش اسكەرىنىڭ گازەتىنە جۋرناليست بولىپ جۇمىسقا ورنالاسادى. 2ء-شى دۇنيەجۇزىلىك سوعىس اياقتالىسىمەن ول «Esquire» جۋرنالىنىڭ ءماتىن تەرۋشىسى بولىپ ىستەيدى جانە سوندا ءجۇرىپ ەرلەر جۋرنالىن اشۋعا ماقسات قويادى.

ينۆەستورلاردىڭ كومەگىمەن جينالعان $10،000-عا ول 1953 جىلى جەلتوقسان ايىندا «Playboy»-دىڭ ەڭ العاشقى ءنومىرىن جارىققا شىعاردى. سودان باستاپ، جۋرنال الەمدەگى ەڭ ايگىلى ەرلەر جۋرنالى بولىپ ءساتتى جالعاسىن تاپتى.