استانادا ەكسپو-2017 حالىقارالىق كورمەسى اياقتالعاننان كەيىن قابانباي باتىر داڭعىلى بويىنشا اۆتوبۋس جەلىلەرىنىڭ ودان ءارى تاعدىرى تۋرالى ماسەلە شەشىلىپ جاتىر، دەدى ەلوردالىق كولىك ءبولىمىنىڭ باسشىسى بەكمىرزا يگەنبەردينوۆ. بۇل تۋرالى Qamshy.kz اقپارات اگەنتتىگى قازتاگ سايتىنا  سىلەمە جاساپ حابارلايدى.

«ءقازىر 5 جولاق جاسادى ... ولار قالادان شىعۋعا ارنالعان 3 جولاق، كىرۋ ءۇشىن 2 جولاق. Bus line اۆتوبۋس جەلىسى ساقتالدى، ءبىز تالداۋ جاسادىق. بۇگىنگى تاڭدا ونىمەن 17-گە جۋىق مارشرۋت وتەدى. قاۋىرت ساعاتتاردا شامامەن 150-گە جۋىق اۆتوبۋس بار»، - دەدى ب. يگەنەنبەردينوۆ جۇما كۇنى «نۇر وتان» حدپ-نىڭ استانا قالاسىنىڭ كولىكتىك كەشەنىن دامىتۋ جونىندەگى پارتيالىق تىڭداۋلار دالىزىندە.

«ءبىز، ارينە، ماسەلە قارالاتىن بولادى دەپ ايتتىق. مۇمكىن، ءبىز بۇل Bus line اۆتوبۋس جەلىسىن الىپ تاستاي الاتىن شىعارمىز، مۇمكىن قالدىراتىن شىعارمىز. ءالى كۇنگە دەيىن بەلگىسىز»، - دەدى ب.يگەنبەردينوۆ.

ەسكە سالا كەتەيىك، قابانباي باتىر داڭعىلى «ەكسپو-2017» حالىقارالىق مامانداندىرىلعان كورمەسىنىڭ نىساندارى ءۇشىن باستى جول بولىپ تابىلادى، وسىعان بايلانىستى جازدىڭ باسىندا Bus Lane ارنايى جولاعى ەنگىزىلدى.

الايدا داڭعىل جولدىڭ كەيبىر ەرەكشەلىكتەرىنە بايلانىستى، دالىرەك ايتقاندا جولدىڭ جاياۋ جۇرگىنشىلەر جولاعى بولىگى دە اسفالتتالعاندىقتان، ەلوردالىق جۇرگىزۋشىلەردە Bus line اۆتوبۋس جەلىسى ءۇشىن ەكى جولاق بولىنگەن دەگەن پىكىر بار.