دايش تەرروريستىك ۇيىمىنىڭ سوڭعى ساعاتتارى عانا قالدى، ― دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. رف سىرتقى ىستەر مينيسترلىگى ينتەرفاكس اگەنتتىگىنە بەرگەن سۇحباتىندا جاڭا قاۋىپ-قاتەرلەر ماسەلەلەرى جونىندەگى دەپارتامەنت ديرەكتورى يليا روگاچيەۆ وسىلاي دەپ مالىمدەدى.
«سيريا مەن رەسەي قارۋلى كۇشتەرىنىڭ بىرلەسىپ سوققى جاساۋىنىڭ ناتيجەسىندە دايش تەرروريستىك ۇيىمىنىڭ سوڭعى ساعاتتارى تاياپ قالدى. سودىرلار ىقپالىنداعى تەرريتوريا كۇن ساناپ كىشىرەيىپ كەلەدى»، ― دەيدى دەپارتامەنت باسشىسى.
مينيسترلىك وكىلىنىڭ ايتۋى بويىنشا، تەرروريستىك توپتىڭ بۇدان ءارى ارەكەت ەتۋىنە شەتەلدەردەن قارجىلاندىرۋ، سونداي-اق، كەيبىر ەلدەردىڭ تەرروريستەرگە قارۋ-جاراق جەتكىزىلۋىنە تىيىم سالۋدى بۇزۋى اسەر ەتەدى.
