مۇعالىمدەر كۇنى قارساڭىندا الماتى اكىمى باۋىرجان بايبەك قالانىڭ ۇزدىك ۇستازدارمەن كەزدەستى، دەپ حابارلايدى Qamshy.kz اقپارات اگەنتتىگى قالا اكىمدىگىنىڭ باسپا ءسوز قىزمەتىنە سىلتەمە جاساپ.

سالتاناتتى شاراعا 40-تان استام ءبىلىم بەرۋ سالاسىنىڭ وكىلدەرى قاتىستى: مەكتەپ مۇعالىمدەرى، ليسەيلەر مەن گيمنازيالار، ۇبت-دان جوعارى بالل العان ستۋدەنتتەر، رەسپۋبليكالىق جانە حالىقارالىق وليمپيادالاردىڭ جەنىمپازدارى جانە ت.ب.

بۇگىنگى تاڭدا قالانىڭ ءبىلىم بەرۋ جەلىسىنە 998 ءبىلىم بەرۋ ۇيىمدارى كىرەدى، سونىڭ ىشىندە 443 مەملەكەتتىك جانە 555 جەكە مەنشىك، 370 مىڭنان استام بالاعا 28 مىڭ پەداگوگ قىزمەتكەرلەر وقيتىپ ەڭبەك ەتۋدە.

الماتى اكىمى قالا ۇستازدارىمەن كەزدەسۋدە، جاڭعىرتۋ اياسىندا مەملەكەت باسشىسى ءبىلىم سالاسىن ەڭ ماڭىزدى باسىمدىقتاردىڭ ءبىرى رەتىندە انىقتايدى جانە «ەكونوميكالىق ءوسۋدىڭ جاڭا ۇلگىسىندە ورتالىقتاندىرىلعان ءبىلىم بەرۋدى قالىپتاستىرۋ» مىندەتىن بەلگىلەيدى – دەپ، اتاپ ءوتتى.

«تاۋەلسىزدىكتىڭ ءبىرىنشى كۇنىنەن باستاپ ءبىلىم بەرۋدى دامىتۋ - مەملەكەتتىك ساياساتتىڭ وزگەرىسسىز باسىمدىعى بولىپ تابىلادى. قازاقستان پرەزيدەنتى ن.ا. نازاربايەۆ باستاماسى بويىنشا وتكىزىلەتىن رەفورمالاردى جۇزەگە اسىرۋدا قازاقستاندىق مۇعالىمدەردىڭ قوسقان ۇلەسى ۇشان تەڭىز. بيىلعى جىلى قازاقستان جاڭا تاريحي كەزەڭگە ءوتتى. ەلباسى ءوزىنىڭ «رۋحاني جاڭعىرۋ» باعدارلامالىق ماقالاسىندا اتاپ وتكەندەي، ەرتەڭگى كۇننىڭ ەرەكشەلىگىنە ۇلت جەتىستىگىنىڭ باستى فاكتورى - تەك ادامنىڭ باسەكەگە قابىلەتتىلىگى. ۇستازدار قاۋىمى، سىزدەرگە، ءبىزدىڭ بالالارىمىز بەن جاستارىمىز ءۇشىن الدا وسى قاسيەتتەر جيىنتىعىن دارىتۋ تۇر. وزەكتى مىندەتتەردى ەسكەرە وتىرىپ، بيىلعى جىلى ءبىز قالا مەكتەپتەرىن قازىرگى زامانعى فيزيكا، حيميا، بيولوگيا، لينگافوندى-مۋلتيمەديالىق كابينەتتەرىمەن، ينتەراكتيۆتى تاقتالارمەن 100% جابدىقتادىق. سوڭعى 5 جىلدا 15 مىڭ ورىندى 13 مەكتەپ اشىلدى. ءبىز الماتىداعى ەڭ دارىندى مۇعالىمدەردىڭ جۇمىس ىستەيتىندىگىمەن ماقتان تۇتامىز. رەسپۋبليكالىق وليمپيادالاردا جانە عىلىمي جارىستاردا بىرنەشە رەت ءبىرىنشى ورىنعا يە. سىزدەردىڭ وقۋشىلارىڭىز بىرنەشە رەت حالىقارالىق، رەسپۋبليكالىق وليمپيادالار مەن عىلىمي كونكۋرستاردا ءبىرىنشى ورىندارعا يە بولىپ كەلەدى. جوعارى ناتيجەلەرىن ۇبت–دا كورسەتەدى. بۇگىنگى كۇنى قالانىڭ ءبىلىم بەرۋ جۇيەسىن دامىتۋعا لايىقتى ۇلەس قوسىپ كەلە جاتقاندارىڭىزعا، سىزدەردىڭ قيىن، وتە جاۋاپتى جۇمىستارىڭىز ءۇشىن العىس ايتقىم كەلەدى»، - دەدى باۋىرجان بايبەك.

ايتا كەتۋ كەرەك، الماتى تۇلەكتەرى وسىمەن التىنشى جىل قاتارىنان ۇبت ناتيجەسى بويىنشا ورتاشا بالى ۇزدىك 97،5 كورسەتىپ وتىر. سوڭعى 12 جىل بويى رەسپۋبليكالىق وليمپيادادا ءبىرىنشى كوماندالىق ورىندى يەلەندى. رەسپۋبليكالىق عىلىمي جوبالار كونكۋرستارىندا 15ء-شى رەت جەڭىسكە جەتتى. پرەزيدەنتتىك وليمپيادادان 11 سىنىپ وقۋشىلارى اراسىندا ءتورتىنشى جىل قاتارىنان جەڭىپ كەلەدى.

سونىمەن بىرگە، سوڭعى بەس جىل ىشىندە قالادا 15 مىڭ ورىندىق 280-نەن استام بالاباقشا جانە شامامەن 15 مىڭ ورىنعا ارنالعان 13 مەكتەپ اشىلدى. تەك وتكەن جىلى جەرگىلىكتى بيۋدجەت قاراجاتى ەسەبىنەن 500 ورىندىق 4 بالاباقشا پايدالانۋعا بەرىلدى.

"شاڭىراق" جانە "قالقامان" ش. ا. مەكتەپتەرگە جاپسارلاس 1800 ورىندىق قۇرىلىس سالىنىپ، پايدالانۋعا بەرىلدى. بيىلعى جىلى 6 بالاباقشا قۇرىلىسى باستالدى. شاعىن "وجەت" اۋدانىنداعى №156 مەكتەپتە 600 وقۋشىعا ارنالعان جاپسارلاس قۇرىلىس جۇرگىزىلۋدە. الاتاۋ جانە ناۋرىزباي اۋداندارىندا 2600 ورىندىق مەكتەپتەر قۇرىلىسىنا قوسىمشا قارجى ءبولىندى.

وتكەن جىلى "مەملەكەتتىك-جەكە سەرىكتەستىك اياسىندا جەكە قاراجاتتار ەسەبىنەن 175 بالاباقشا جانە 5،7 مىڭ ورىندىق شاعىن ورتالىقتار اشىلدى. بيىلعى جىلى 2000 ورىندىق 57 جەكە بالاباقشالار پايدالانۋعا بەرىلدى. بيزنەس تاراپىنان قولداۋ شامامەن 14 ملرد. تەڭگە بيۋدجەتتىك قاراجاتتى ۇنەمدەۋگە مۇمكىندىك بەردى. قالا قۇرىلىسى كەڭەسىندە قالادا تۇرعىن ءۇي كەشەندەرىنىڭ قۇرىلىسىن قاراۋ كەزىندە مەكتەپتەر مەن بالاباقشالارعا ەرەكشە نازار اۋدارىلادى. سوڭعى 2 جىلدىڭ ينۆەستورلار ەسەبىنەن 7 مىڭ ورىندىق 54 بالاباقشا سالۋعا شەشىم قابىلداندى. 3 مىڭ ورىندىق 24 بالاباقشا كوممۋنالدىق مەنشىككە بەرىلەدى. وسىنىڭ ارقاسىندا بيۋدجەتتىك ۇنەمدەۋ شامامەن 24 ملرد. تەڭگە بولدى. مەملەكەت باسشىسىنىڭ تاپسىرماسى بويىنشا وسى جىلدان باستاپ " تەگىن كاسىبي-تەحنيكالىق ءبىلىم جوباسى" جۇزەگە اسىرىلۋدا. قالالىق بيۋدجەتتەن 1،5 ملرد. تەڭگە ءبولىندى. بۇل ەڭبەك نارىعىندا سۇرانىسقا يە جۇمىسشى ماماندىقتاردى 11 مىڭ ادامعا تەگىن ۇيرەتۋگە مۇمكىندىك بەرەدى. قىسقا مەرزىمدى كاسىبي وقىتۋ كۋرستار ورىندارىنىڭ سانى 14 رەت كوبەيتىلدى، بۇل شامامەن 7 مىڭ ادامدى قۇرايدى. ەلباسىنىڭ تاپسىرماسى بويىنشا 2017 جىلى الماتىدا "جاستار جىلى" جاريالانعان، ءتيىستى جول كارتاسى ازىرلەندى. 2 مىڭ ورىندىق 4 جاتاقحانا قۇرىلىسى جوسپارلاندى،. تۇرعىن ءۇي قۇرىلىس جيناق بانكىمەن بىرلەسىپ بىرەگەي باعدارلاما ازىرلەنگەن، ول جاستارعا جاڭا پاتەر الۋ ءۇشىن نەسيە مۇمكىندىك بەرەدى.