الماتىدا وتاسقانىنا 50 جىل تولعان قاريالار قالانىڭ كورىكتى جەرلەرىندە بولدى. جاستارى 80-85-كە كەلگەن جەتىسۋ اۋدانىنىڭ تۇرعىندارى ق ر تۇڭعىش پرەزيدەنتى پاركىندە، شاڭعى ترامپلينىندە، اباي اتىنداعى مەملەكەتتىك اكادەميالىق وپەرا جانە بالەت تەاترىندا، اربات جاياۋ جۇرگىن الاڭىندا بولدى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
بۇل شارا «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا قارتتار كۇنى دەكاداسىنا وراي ۇيىمداستىرىلدى.
اۋدان اكىمشىلىگى قارتتار كۇنى مەيرامى قارساڭىندا جاسى كەلگەن ادامداردى قولداۋ ماقساتىندا كەشەندى ءىس شارالار وتكىزبەك.
ءقازىر اۋداندا 22 مىڭ زەينەتكەر تىركەلگەن. ونىڭ ىشىندە ەكىنشى دۇنيەجۇزىلىك سوعىسقا قاتىسقان 21 ادام، 9 ۇوس ارداگەرى، 1400 سوعىس جىلدارىنداعى تىل ەڭبەگى ارداگەرى، 240 ساياسي قۋعىن-سۇرگىن قۇربانى، 3 كونسلاگەر قۇربانى ءومىر ءسۇرىپ جاتىر.
اۋداننىڭ ەڭ قارت تۇرعىنى بيىل 100 جاسقا تولدى. لياحوۆيچ انتونينا پەتروۆنا 1917 جىلى دۇنيەگە كەلگەن.
«اۋدان اكىمدىگى جاسى ەگدە تارتقان قارت كىسىلەردى قۇرمەتتەۋگە، ولاردى ماتەريالدىق جانە باسقالاي قولداۋعا، جالعىزباستى قارتتارعا قول ۇشىن بەرۋگە بارىنشا كوڭىل ءبولىپ كەلەدى. اتاپ ايتقاندا، ەمحانالاردا اشىق ەسىك كۇندەرى، سپورتتىق، قايىرىمدىلىق شارالارى وتەدى. مەرەكەلىك تۇسكى اس وتكىزىپ، ازىق تۇلىكپەن قامتۋ كوزدەلگەن. سونىمەن قاتار، اۋداندا ورنالاسقان كاسىپورىندار مەن ۇيىمدار قۇرمەتتى دەمالىسقا شىققان قىزمەتكەرلەرىن قۇتتىقتاپ، سىيلىق تاراتىپ جاتىر»، - دەدى جەتىسۋ اۋدانى اكىمىنىڭ ورىنباسارى سانجار توعاي.
