بۇۇ مىنبەرىندە اقش وكىلى نيككي حەيلي ميانما اسكەرىنىڭ ىس-ارەكەتىن قاتاڭ ايىپتاپ، مالىمدەمە جاسادى،― دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
ميانمادان باس ساۋعالاپ قاشقان 130 بوسقىن مىنگەن سۋ كەمەسىنىڭ اپاتقا ۇشىراپ، سالدارىنان 50 ادامنىڭ ولىمىنە الىپ كەلگەنىن ايتقان نيككي حەيلي سوزدەن ىسكە كوشىپ، بۇل جاعدايعا شارا قابىلداۋ كەرەك ەكەنىن جەتكىزدى.
«ديپلوماتيالىق سوزدەر مەن قۇرعاق كەڭەستىڭ ۋاقىتى ءوتىپ كەتتى. ءوز ازاماتتارىنا قارسى قىلمىس جاساپ وتىرعان ميانما قارۋلى كۇشىنە قارسى ىس-ارەكەت جاساۋ كەرەك»، ― دەدى اقش وكىلى نيككي حەيلي.
ايتا كەتەتىن بولساق، بۇل اقش-تىڭ ميانما بيلىگىنە قارسى جاساپ وتىرعان العاشقى مالىمدەمەسى ەمەس. وسىعان دەيىن دە اقش ميانما بيلىگىنە قارسى قاتاڭ ەسكەرتۋلەر دە جاساعان بولاتىن. مالىمدەمەدە ميانمانىڭ اسكەريلەرى مەن قارۋلى كۇشتەرىنە تىكەلەي ايىپ تاعىلىپ، جاۋاپكەرشىلىككە تارتىلۋى كەرەكتىگى باسا ايتىلعان.
