قالالىق بيلىك وكىلدەرى اۆتوبۋستاردا ءجۇرۋ تولەمىن كوممۋنالدىق قىزمەت ەسەبىنە ەنگىزۋدى ۇسىندى، — دەپ حابارلايدى Qamshy.kz اقپارات اگەنتتىگى elorda.info سايتىنا سىلتەمە جاساي وتىرىپ.
بۇل جاڭالىقتار قالالىق كولىك جۇيەسىن مودەرنيزاسيالاۋ بويىنشا ۇسىنىلعان BUS/كم جۇيەسىنە ەنگىزىلگەن. بۇل جۇيە بويىنشا، جول ءجۇرۋ قۇنىن كوممۋنالدىق قىزمەت ەسەبىنە قوسۋ كوزدەلىپ وتىر.
"ءبىز جاڭا ءارى انىق بولاتىن جۇيەنى ۇسىنىپ وتىرمىز. وسى ارقىلى قوعامدىق كولىك قاتىناسىنان تۇسەتىن اقشا اعىمىن باسقارۋدىڭ اشىقتىعىنا قول جەتكىزە الامىز. وسى ارقىلى ءار ءۇيدىڭ اي سايىنعى اعىمداعى شىعىن كولەمىن 3857 تەڭگە ۇنەمدەۋگە مۇمكىندىك بەرەدى. مەملەكەتتىڭ قاجەتتى سۋبسيديا كولەمىن ءۇش ەسە ازايتۋعا مۇمكىندىك بەرەدى"، — دەدى "استانا LRT" ج ش س باسقارما ءتوراعاسىنىڭ مىندەتىن اتقارۋشى جاننا اقجانوۆا.
ونىڭ ايتۋىنشا، ارنايى جەڭىلدىكتەرى بار ادامدار بۇل تولەمنەن بوساتىلادى. ەلوردالىق جۇرگىزۋشىلەر قالا كوشەلەرىندە اقىلى تۇراقتارعا تولەم جاساۋ مۇمكىندىگىنە يە بولادى.
