جەكسەنبى كۇنى يسپانيانىڭ كاتالونيا ايماعىندا وتكەن رەفەرەندۋمدا تۇرعىنداردىڭ 90،09% تاۋەلسىزدىكتى قولداپ داۋىس بەرگەن دەپ حابارلايدى Qamshy.kz اقپارات اگەنتتىگى life.ru-عا سىلتەمە جاساي وتىرىپ. بۇل تۋرالى اۆتونوميالىق وبلىستىڭ جەنەراليتەت رەسمي وكىلى جوردي تۋرۋل حابارلادى.

«داۋىس بەرۋشىلەردىڭ توقسان پايىزى كاتالونيانىڭ تاۋەلسىزدىگى ءۇشىن داۋىس بەردى»، - دەپ مالىمدەدى شەنەۋنىك.

سونداي-اق، ساياسي شارا كەزىندە 5،3 ميلليون حالىقتىڭ 2،3 ميلليونى داۋىس بەرگەن. تاۋەلسىزدىك الۋ تۋرالى باستامانى سايلاۋشىلاردىڭ 7،8%- قولداماعان، ال 2%-ىنىڭ بيۋللەتەندەرى بوس بولىپ شىقسا، 0،89% - بۇلىنگەن.   

ەسكە سالا كەتسەك، تاۋەلسىزدىك تۋرالى رەفەرەندۋم 1 قازاندا ءوتتى. رەسمي مادريد ساياسي شارانى مويىنداعان جوق جانە رەفرەندۋم كەزىندە پوليسيا مەن تاۋەلسىزدىك جاقتاستارى اراسىندا جاپپاي قاقتىعىس بولدى.