لاس-ۆەگاستاعى Mandalay Bay كازينوسىنىڭ ماڭىندا بەلگىسىز بىرەۋ اتىس ۇيىمداستىردى، دەپ حابارلايدى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

جەرگىلىكتى ب ا ق دەرەكتەرىنە سايكەس، ەكى ادام قازا تاۋىپ، 24 ادام جاراقات العان.

«Mandalay Bay كازينوسىنىڭ ماڭىندا ورىن العان جاعدايعا بايلانىستى تەرگەۋ جۇمىستارىن باستادىق. مۇمكىندىگىنشە بۇل اۋدانعا ازىرگە كەلمەۋلەرىڭىزدى سۇرايمىز»، - دەيدى جەرگىلىكتى پوليسيا.

ب ا ق مالىمەتتەرىنە سايكەس، بەلگىسىز بىرەۋ Mandalay Bay Hotel ءقوناقۇيىنىڭ بالكونىنان اتقان. ول كانتري-مۋزىكا فەستيۆالىنە قاتىسۋشىلاردى كوزدەگەن.

اتىس جايىندا قالانىڭ وزگە ايماعىنىڭ تۇرعىندارى دا حابار بەرگەن، الايدا پوليسيا بۇل اقپاراتتى راستامادى.

اتىس شىعارعان قىلمىسكەر ءقازىر جاسىرىنىپ، قاشىپ ءجۇر.

اتالمىش جايتقا قاتىستى ق ر سەنات سپيكەرى قاسىم-جومارت توقايەۆ ءوزىنىڭ Twitter پاراقشاسىندا پىكىر ءبىلدىردى.

«الەم تىم قاتىگەز بولىپ بارادى. مۇنداي جاعدايلار، قاندى قاقتىعىستار كۇن سايىن كوبەيىپ بارادى»، - دەيدى قاسىم-جومارت توقايەۆ.