تالدىقورعاندا ەلباسىنىڭ «رۋحاني جاڭعىرۋ» باياعدارلاماسى اياسىندا الماتى وبلىستىق تىلدەردى دامىتۋ جونىندەگى باسقارماسى جانە وبلىستىق ىشكى ساياسات باسقارمانىڭ ۇيىمداستىرۋىمەن «لاتىن ءالىپبيى: تەحنيكالىق مۇمكىندىكتەر» اتى دوڭگەلەك ۇستەل ءوتتى.
دوڭگەلەك ۇستەلگە قۇرمەتتى قوناق رەتىندە شاقىرىلعان «قامشى» پورتالىنىڭ جەتەكشىسى، «Attila Group» كومپانياسىنىڭ وكىلى ءبىلال قۋانىش «Qazlatyn.kz» اتتى ءقارىپ اۋىستىرۋ كونۆەرتەرىن تانىستىرىپ، ەرەكشەلىكتەرىن اتاپ ءوتتى. «ءبىزدىڭ ماماندارىمىز ون جىلدان بەرى زەرتتەپ كەلە جاتقان قازاق الىپبيلەرىنىڭ كونۆەرتەر جۇيەسى وسى كۇنگە دەيىن الەم قازاقتارى پايدالانىپ كەلگەن كيريلل، لاتىن، توتە جازۋلاردى بىر-بىرىنە قاتەلىكسىز اۋدارا الاتىن بىرەگەي جۇيە دەپ سەنىممەن ايتا الامىز. پارلامەنت ءماجىلىسىنىڭ تىڭداۋىندا تانىستىرعان جۇيە توتە جازۋمەن وقيتىن جۇڭگو قازاقتارى دا، لاتىن الىپبيىمەن وقيتىن ەۋروپا قازاقتارى دا وسى كونۆەرتەر ارقىلى جاڭا الىپبيدەگى مالىمەتتى وقي الادى»، — دەدى ب.قۋانىش ءوز سوزىندە.
شارانى جۇرگىزگەن الماتى وبلىسى اكىمىنىڭ ورىنباسارى جاقسىلىق ومار لاتىن ءقارپى مۇمكىندىكتەرىن تالقىلاي كەلە: «ءتىل ماماندارى ءوزارا كەلىسىپ، جىل اياعىنا دەيىن بەكىتىلگەن ءقارىپتى ۇسىنادى دەپ ويلايمىز. ءبىزدىڭ وبلىس لاتىن قارپىنە كوشۋگە قاشان دا دايىن دەپ ايتا الامىز»، — دەدى.
سونىمەن قاتار، اتالعان تاقىرىپتا ءوز پىكىرلەرىن وبلىستىق ءبىلىم باسقارماسى باسشىسىنىڭ ورىنباسارى يساعۇلوۆا گۇلسارا، وبلىستىق وڭىرلىك كوممۋنيكاسيالار قىزمەتىنىڭ ءبولىم باسشىسى دانيار جانىس، اباي اتىنداعى №1 مەكتەپ-گيمنازياسىنىڭ قازاق ءتىلى مەن ادەبيەتى ءپانىنىڭ ءمۇعالىمى سۇيگەنبايەۆا بوتاگوز ءبىلدىردى.
جاستارعا قىزمەت كورسەتۋ ورتالىعىنىڭ، تالدىقورعان قالالىق ءبىلىم ءبولىمىنىڭ، وبلىستىق «ءتىل» وقۋ ادىستەمەلىك ورتالىعى مەن وبلىستىق تىلدەردى دامىتۋ جونىندەگى باسقارما قىزمەتشىلەرى جانە ب ا ق وكىلدەرى قاتىسقان جيىن پىكىرتالاستارعا تولى بولىپ، كوپتەگەن كوكەيدە جۇرگەن سۇراقتارعا جاۋاپ الىندى.
​ەستەرىڭىزە سالا كەتسەك، ءبىلال قۋانىش ءوز كونۆەرتەرىن قىركۇيەكتىڭ باسىندا ماجىلىستە وتكەن «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ ءبىرىڭعاي ستاندارتىن ەنگىزۋ ماسەلەلەرى تۋرالى» پارلامەنتتىك تىڭداۋ كەزىندە تانىستىرعان بولاتىن. «Qazlatyn.kz» كونۆەرتەرىن ءموبيلدى قوسىمشا رەتىندە جۇكتەپ الۋعا بولادى.