وتكەن اپتادا شقو-داعى بەلوۋسوۆكا اۋىلىنىڭ تۇرعىنى وزىنە قول جۇمساماق بولعان. ءقازىر ق ر قك 105 بابى بويىنشا (سۋيسيدكە دەيىن جەتكىزۋ) سوتقا دەيىنگى تەرگەۋ امالدارى باستالدى دەپ جازادى Qamshy.kz اقپارات اگەنتتىگى caravan.kz-كە سىلتەمە جاساپ.

2017 جىلى وزىنە قول جۇمساۋعا دەيىن جەتكىزۋ بابى بويىنشا 779 قىلمىستىق ءىس تىركەلدى. بۇل 2016 جىلعى كورسەتكىشپەن سالىستىرعاندا كوپ. وتكەن جىلى اتالمىش باپ بويىنشا 589 ءىس تىركەلگەن.

2008 جىلى وسكەمەندىك ءىىب-نىڭ ءۇش پوليسەيى فيرماداعى ۇرلىققا بايلانىستى كۇدىكتىگە زاڭسىز ارەكەت قولدانعانى ءۇشىن جازالاندى. سونىڭ ناتيجەسىندە، كۇدىكتىلەر وزىنە قول جۇمسادى. كۋاگەرلەردىڭ ايتۋىنشا، رينات سارسەكوۆ پەن بەرىك سابييەۆتى ۇرىپ-سوققان. قولدارىن كىسەندەپ، باستارىنا پاكەت كيىگزگەن. سوتتا پوليسەيلەر ءوز كىناسىن مويىندامادى.

ەكى پوليسەي 3 جىلعا باس بوستاندىعىنان ايىرىلدى، ءۇشىنشىسى 2 جىلعا سوتتالدى.

 8ء-شى قاباتتان سەكىرمەك بولعان قىز

2009 جىلى قازاننىڭ ورتاسىندا مەملەكەتتىك اگەنتتىك قىزمەتكەرى قول استىنداعى جۇمىسشىسىن وزىنە قول جۇمساۋعا دەيىن جەتكىزگەنى ءۇشىن جۇمىستان شىعارىلدى. قىزمەتكەر 8ء-شى قاباتتان سەكىرمەك بولعان.

بولعان وقيعاعا قاتىستى كوميسسيا قۇرىلدى. شەنەۋنىكتى قىزمەتىنەن بوساتۋ تۋرالى شەشىم شىعارىلدى.

كوپ بالالى انانىڭ ءوزىن ورتەۋى

2010 جىلى سوت ورىنداۋشىلار كوپ بالالى انا سۆەتلانا تۇرعامبايەۆانىڭ وتباسىن ۇيدەن شىعارماق بولعاندا ول وزىنە جانارمايدى قۇيىپ، ورتەپ جىبەردى.

سۆەتلانا تۇرعامبايەۆا ساتىپ العان ءۇي باستاپقى كەزدە ءبىر مۇراگەرگە تيەسىلى بولعان. ودان كەيىن سوت شەشىمدى وزگەرتتى. بۇل ۋاقىتتا ءۇي ساتىلىپ كەتكەن.

وسى ىسكە قاتىستى تەكسەرۋ ءالى ءجۇرىپ جاتىر.

جىگىت اتىراۋ ورتالىعىندا باعانعا اسىلىپ كوز جۇمدى

اتىراۋدا 2015 جىلى جازدا ەكى پوليسەي 23 جاستاعى جىگىتتى ۇرىپ، قورلاپ، ارىپتەستىك ورناتۋعا ماجبۇرلەگەن.

ماركوۆ پەن ونىڭ ءۇش تانىسى جانە ەكى قىز ەسىرتكى پايدالاندى دەگەن كۇدىكپەن ۇستالدى.

ۇستالعان قىزداردىڭ ءبىرى اتىراۋ وبلىسى مەملەكەتتىك قىزمەت جانە جەمقورلىققا قارسى اگەنتتىككە پوليسەيلەردىڭ 300 مىڭ تەڭگە تالاپ ەتكەنىن ايتىپ، شاعىم تۇسىرگەن. كەلەسى كۇنى جاستاردى قايتا ۇستادى. ال 2015 جىل 3ء-شى تامىزدا انتون ماركوۆتىڭ دەنەسى باعاننان اسىلىپ تۇرعان جەرىنەن تابىلعان.

ەكى پوليسەيگە «سۋيسيدكە دەيىن جەتكىزۋ» جانە «ءوز قىزمەتىن اسىرا پايدالانۋ» بويىنشا ءىس قوزعالدى. سوت بۇرىنعى پوليسەيلەردى كىنالى دەپ تاپتى. دوشانوۆ 6 جىلعا باس بوستاندىعىنان ايىرىلدى. دۇيسەنوۆ 5 جىلعا سوتتالدى. ولار ءومىر بويى پوليسيادا جۇمىس ىستەي المايدى.