رەسەيدىڭ فەدەرالدى قاۋىپسىزدىك قىزمەتى 2017 جىلى ماسكەۋدە ازاماتتار ءجيى توپتالاتىن ورىنداردا تەراكت ۇيىمداستىرۋدى جوسپارلاعان دايش جاۋىنگەرلەرىن ۇستادى،- دەپ حابارلايدى Qamshy.kz اقپارات اگەنتتىگى.  

30 قىركۇيەكتە ماسكەۋ ايماعىندا فەدەرالدى قاۋىپسىزدىك قىزمەتىنىڭ تەكسەرۋلەرى ناتيجەسىندە رەسەيدىڭ سولتۇستىك كاۆكاز ايماعىنىنان كەلگەن ازاماتتار ۇيىمداستىرعان زاڭعا قايشى كەلەتىن دايش جاسىرىن توبى ۇستالعان.

قازىرگى كەزدە لاڭكەستىك جاساماق بولعان توپ ۇستالىپ، قاماۋعا الىندى. ولار تۇرعان مەكەن جايدان قولدان جاسالعان اتىلۋعا دايىن ەكى جارىلىس قۇرالى تابىلعان. وعان قوسا، پم-9مم  ماركالى ەكى تاپانشا، ەكى رگد-5 گراناتاسى، بايلانىس قۇرالدارى مەن جارىلىس جاساۋ قارۋلارىن دايىنداۋعا كەرەك زاتتار تابىلعان. ولارعا قاتىستى قىلمىستىق ءىس قوزعاۋ ماسەلەسى تالقىلانىپ جاتىر جانە تەكسەرىس ماقساتىندا ۇستالعاندار جايىندا جەكە مالىمەتتەر جاسىرىن ۇستالۋدا.

«دايش– ول كوپتەگەن مەملەكەتتەردە ارەكەت ەتۋگە تىيىم سالىنعان تەرروريستىك توپ».