سينوپتيكتەر 3-5 قازان ارالىعىنا ارنالعان اۋا رايى بولجامىن جاريا ەتتى، - دەپ حابارلايدى Qamshy.kz اقپارات اگەنتتىگى  "قازگيدرومەت" وكىلدەرىنە سىلتەمە جاساي وتىرىپ.

سينوپتيكتەردىڭ ايتۋىنشا، الداعى ءۇش كۇندە تايمىر تۇبەگىنەن ەنەتىن سۋىق اۋا ماسسالارىنا بايلانىستى ەلىمىزدىڭ باسىم بولىگىندە جەل كۇشەيىپ، جاڭبىردىڭ سوڭى قارعا ۇلاسادى. مۇنداي اۋا-رايى ءتىپتى ەلىمىزدىڭ وڭتۇستىك جانە وڭتۇستىك-شىعىس وبلىستارىندا اينالىپ وتپەيدى.

سينوپتيكتەردىڭ مالىمەتىنە سايكەس، الداعى كۇندەرى اۋا تەمپەراتۋراسى  سولتۇستىكتە، شىعىستا جانە رەسپۋبليكانىڭ ورتالىعىندا تۇندە 0 ... 8 اياز، كۇندىز 0 ... 5 گرادۋسقا دەيىن تومەندەيدى؛ وڭتۇستىكتە جانە وڭتۇستىك-شىعىستا تۇندە 3 اياز ... 5 گرادۋسقا دەيىن، كۇندىز 5... 13 گرادۋسقا دەيىن تومەندەيدى.

ال ەلىمىزدىڭ باتىس وڭىرىندە انتيسيكلوننىڭ ىقپالىمەن اشىق اۋا رايى كۇتىلەدى.

"قازگيدرومەت" رمك ماماندارىنىڭ مالىمەتىنە سايكەس، اۋانىڭ تەمپەراتۋراسى تۇندە 3 اياز...5 جىلىعا دەيىن، كۇندىز 8...16 جىلىعا دەيىن جوعارىلايدى. جۇماعا قاراي جەرورتا تەڭىزىنەن وڭتۇستىك-باتىس جانە باتىس اۋا اعىمدارىمەن قازاقستاننىڭ بۇكىل اۋماعىنا جىلى اۋا ماسسالارى ەنەدى. 7-10 قازان ارالىعىندا اشىق جانە ەڭ جىلى كۇندەر ورنايدى. اۋانىڭ كۇندىزگى تەمپەراتۋراسى : سولتۇستىكتە + 10 ... + 18 گرادۋس، ال وڭتۇستىكتە + 20 ... 27 گرادۋسقا دەيىن جوعارىلايدى. ەلىمىزدىڭ باتىسىندا كۇندىزگى اۋا تەمپەراتۋراسى 18 ... 23 ° C قولايلى، اشىق اۋا رايى ۇزاققا سوزىلادى.

سونىمەن قاتار، سينوپتيكتەردىڭ مالىمەتىنشە، كەزەكتى اۋا تەمپەراتۋراسىنىڭ ايتارلىقتاي تومەندەۋى جانە ۋاقىتشا قار جامىلعىسىنىڭ ورناۋى ايدىن ورتاسىندا جانە سوڭىندا كۇتىلەدى.

ناتيجەسىندە اۋانىڭ ورتاشا ايلىق تەمپەراتۋراسى قوستاناي، سولتۇستىك قازاقستان، اقمولا جانە پاۆلودار وبلىستارىندا ايتارلىقتاي سۋىق بولادى (نورمادان 1 گرادۋسقا تومەن)؛ ال قالعان ايماقتاردا كليماتتىق نورما شاماسىندا كۇتىلەدى.

جاۋىن-شاشىننىڭ ايلىق مولشەرى باتىس قازاقستان، اقتوبە، قوستاناي جانە سولتۇستىك قازاقستان وبلىستارىنىڭ سولتۇستىگىندە نورمادان كوپ بولۋى كۇتىلۋدە؛ اقمولا، پاۆلودار، باتىس قازاقستان، اقتوبە، قوستاناي، سولتۇستىك قازاقستان وبلىستارىنىڭ باسىم بولىگىندە جانە وڭتۇستىك قازاقستان، جامبىل، الماتى جانە شىعىس قازاقستان وبلىستارىنىڭ تاۋلى جانە تاۋ بوكتەرلى اۋدانداردا - نورما شاماسىندا، ال قالعان ايماقتاردا - نورمادان از جاۋادى.