تىرشىلىگى قىم-قۋىت مىنا زاماندا ادامداردىڭ جۇيكەسى تەز شارشايتىن بولدى. سونىڭ سالدارىنان قىزمەت ونىمدىلىگىنە دە نۇقسان كەلىپ جاتادى. ادەتتە، باس سالىپ ءدارى مەن ۋكولعا جۇگىنەتىن باتىس ەمشىلىگىنەن گورى بۇل كۇندە تابيعي ەمدى نەگىز ەتەتىن شىعىس شيپاگەرلىگى سۇرانىسقا يە بولۋدا. ايتالىق، تاۋەلسىزدىكتىڭ 20 جىلىندا اتاجۇرتىنا ورالىپ، قىتايدىڭ قىرى مەن سىرى مول ءداستۇرلى مەديسيناسىن قازاققا جۇمىس جاساتىپ جاتقاندار قاتارى مولشىلىق. ەندى مىنە تاعى ءبىر ساۋىقتىرۋ ورتالىعى قاتارعا قوسىلدى. 

الماتى قالاسى «اقساي – 3»، 88 ءۇي،  91 پاتەردە  ماسساج ورتالىعى اشىلدى.  15 جىلدان استام ۋاقىت جۇڭگو ەلىندە  ماسساج ونەرىنىڭ قىر-سىرىن مەڭگەرگەن قانداسىمىز گۇلدەن دولي قىزى جەتەكشىلىك ەتەتىن ەمدەۋ-ساۋىقتىرۋ ورتالىعى نەگىزىنەن ماسساجعا سۇيەنەدى.  ورتالىقتىڭ اشىلۋى تۋراسىندا باس مامان گۇلدەن دولي قىزى: «ءبىز ەلگە اتباسىن بۇرۋدى ەرتە ويلاعانبىز، ءبىراق، ەلگە نە الىپ كەلەمىز دەگەن وي تۇردى كوكەيىمىزدە،  ويلانا كەلە، جات جۇرتتىڭ وزىق ونەرىنىڭ بىرەۋىن ۇيرەنىپ كەلىپ، ءوز قانداستارىمىزدىڭ يگىلىگىنە جۇمساۋدى ويلادىق، مىنە ارمانىمىز ورىندالدى، ويلاعان ءىسىمىزدى جۇزەگە اسىردىق، ماسساجدىڭ بارلىق تۇرىمەن ەمدەيمىز، باعاسى دا قولجەتىمدى» دەيدى.

ءيا، مىڭ ەستىگەننەن ءبىر كورگەن ارتىق دەپ اتالعان ماسساج ورتالىعىنا بارىپ قايتتىق. بۇل ورتالىقتىڭ باسقا ەمدەۋ ورىندارىنان ەرەكشەلىگى – مۇندا از ۋاقىتتىق كۋرستان ءوتىپ، دارىگەر حالاتىن كيگەندەر ەمەس، نەگىزىنەن ۇزاق جىلدىق تاجىريبەلى ماماندار جۇمىس جاسايدى ءارى باعاسى دا ارزان. الىستان كەلگەن اعايىننىڭ اتاجاۇرتقا بەرەتىنى بۇدان دا كوپ بولسىن دەپ تىلەيمىز.

ق.جۇماحان