بۇگىن ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى ا.مىرزاحمەتوۆ جانە ۇكىمەتتىك ەمەس ۇيىم وكىلدەرى تۇراقتى كەزدەسۋلەر اياسىندا اوك-تى دامىتۋدىڭ ماڭىزدى ماسەلەلەرىن تالقىلاۋ بويىنشا كەزدەسۋ وتكىزدى. بۇل تۋرالى Qamshy.kz اقپارات اگەنتتىگى ق ر اۋىل شارۋاشىلىعى مينيسترلىگىنىڭ باسپا ءسوز قىزمەتىنە سۇيەنە وتىرىپ جازادى. 

ۇكىمەتتىك ەمەس ۇيىمدار ستراتەگيالىق جانە باعدارلامالىق قۇجاتتاردى دايىنداۋعا بەلسەندى قاتىساتىنىن ايتا كەتكەن ءجون. مينيسترلىك مەملەكەتتىك باعدارلامانى دايىنداۋعا كىرىسكەن ساتىنەن باستاپ، جۇمىس توپتىڭ قۇرامىندا بولعان قوعامدىق بىرلەستىكتەر مەن اگرارلىق سەكتور وداقتارى مەن وكىلدەرى بىرلەسە جۇمىس اتقاردى.

ا.مىرزاحمەتوۆ ءوز سوزىندە، بۇگىنگى كۇنى قازاقستاندا ازاماتتىق قوعامدى دامىتىپ، قۇقىقتىق ەل بولۋ ءۇشىن، ۇكىمەت تاراپىنان مەملەكەت پەن ۇكىمەتتىك ەمەس ۇيىمدار اراسىندا تىعىز بايلانىس ورناتۋعا اسا ءمان بەرىلىپ وتىرعانىن اتاپ ءوتتى.

كەزدەسۋ بارىسىندا ۆيسە-پرەمەر 2017-2021 جىلدارعا ارنالعان ق ر اوك-تى دامىتۋدىڭ مەملەكەتتىك باعدارلاماسىنىڭ جۇزەگە اسىرىلۋ بارىسىن، اۋىل شارۋاشىلىعى تاۋار وندىرۋشىلەرى ءۇشىن مەملەكەت تاراپىنان كورسەتىلەتىن قولداۋ تۇرلەرىن ايتتى.

سونداي-اق، جيىن بارىسىندا ا.مىرزاحمەتوۆ قاتىسۋشىلارعا قازىرگى تاڭدا سالالىق قاۋىمداستىقتار مەن وداق، قوعامدىق كەڭەس، اگروبيزنەس وكىلدەرىنىڭ قاتىسۋىمەن مينيسترلىكتىڭ، «اتامەكەن» ۇكپ-نىڭ الاڭدارى مەن ايماقتاردا تالقىلانىپ جاتقان اۋىل شارۋاشىلىعىن دامىتۋدىڭ جول كارتاسىنا ەرەكشە كوڭىل ءبولۋدى ۇسىندى. 

سونىمەن قاتار، جينالىسقا قاتىسقان ۇكىمەتتىك ەمەس ۇيىم وكىلدەرى ءوز سوزدەرىندە اوك-تىڭ سالالارىن دامىتۋعا ارنالعان كارتالاردى ءبىراۋىزدان قولداپ، اتالعان كارتالاردى ءاربىر باعىت بويىنشا ناقتى تاپسىرمالارعا باعىتتاپ، سول تاپسىرمالاردىڭ شەشۋ جولدارىن قاراستىرىپ جاتقاندىعىن اتاپ ءوتتى.

ءارى قاراي كەزدەسۋ سۇراق-جاۋاپ فورماتىندا جالعاستى. ۇكىمەتتىك ەمەس ۇيىم وكىلدەرىنىڭ باسىم كوپشىلىگى سۋبسيديا بەرۋ، جەر ماسەلەسى، اۋىل شارۋاشىلىعى تاۋارلارىن قايتا وڭدەۋ جانە ت.ب. جونىندەگى ماسەلەلەر قىزىقتىردى.

كەزدەسۋ سوڭىندا ا.مىرزاحمەتوۆ اۋىل شارۋاشىلىعى مينيسترلىگى ءار قاشان اشىق اڭگىمەگە دايىن ەكەندىگىن، بارلىق پىكىرلەر مەن ۇسىنىستاردىڭ ماڭىزدىلىعىن ايتىپ، الداعى ۋاقىتتا مينيسترلىكپەن بىرلەسىپ جۇمىس ىستەۋگە شاقىردى.

وسىعان وراي، الداعى ۋاقىتتا اتالعان جانە باسقا دا سالالاردى دامىتۋ بويىنشا وزەكتى تاقىرىپتى قوزعايتىن جينالىستاردى تۇراقتى تۇردە وتكىزۋ ۇسىنىلدى. بۇل ۇسىنىستار بىرلەسە جۇمىس اتقارۋ بارىسىندا جاقسى ناتيجەگە قول جەتكىزۋگە مۇمكىندىك بەرەدى.