پەتەربۋرگتە لەنين ەسكەرتكىشىنە بوياۋ جاعىلىپ، «قانقۇمار» دەپ مازاق ەتىلگەن. ونىڭ ۇستىنە ەسكەرتكىش ماڭىنداعى اعاشتارعا الەمدىك پرولەتاريات كوسەمى ەڭبەگىنەن ءۇزىندى كەلتىرىلگەن پاراقشالار جابىستىرىلعان،-دەپ Qamshy.kz اقپارات اگەنتتىگى Life.ru-عا سىلتەمە بەرە وتىرىپ جازادى.

بۇل جاعداي وكتيابر وقيعاسىنا 100 جىل تولعان ۋاقىتتا جاسالىنىپ وتىر. بەلگىسىز بىرەۋلەر ۆلاديمير ءيليچتىڭ كەۋدەسىنە «قانقۇمار» (پالاچ) دەپ جازىپ، جانىنداعى اعاشتارعا لەنيننىڭ ءوز شىعارماسىنان ءۇزىندى بەرىپ كەتكەن.

«قازىرگى ۋاقىتتا «ۆانداليزم» دەپ تانىلعان بۇل ىسكە قىلمىستىق كودەكستىڭ 214 بابىنا سايكەس قىلمىستىق ءىس قوزعالىپ، تەرگە امالدارى جۇرگىزىلىپ جاتىر»،-دەپ سانكت-پەتەربۋرگتىڭ لەنوبلىسىنىڭ ءىىم مالىمدەدى.  

وعان قوسا، ەسكەرتكىش ءقازىر تازارتىلۋدا.

ونىڭ الدىندا عانا بەلسەندىلەر پەتروگراد جاعالاۋىنا الەۋمەتتىك جەلىلەردەن جينالعان 210 مىڭ رۋبل تۇراتىن 8 مىڭعا جۋىق گۇل شوقتارىن  قويعان ەدى.