گەرمانيانىڭ جوعارعى سوتى ازاماتتاردىڭ تۋۋ تۋرالى كۋالىگىندە «ءۇشىنشى جىنىس» باعانى پايدا بولۋى كەرەك دەگەن شەشىم شىعاردى. بۇل تۋرالى BBC حابارلايدى. 

وسىعان وراي، گەرمانيا ينتەرسەكسۋالداردىڭ ەر جانە ايەل جىنىستارىنان بولەك ءۇشىنشى جىنىستى تاڭداۋعا مۇمكىندىگى تۋدى.

سوتقا بيولوگيالىق تەستىلەۋدەن ءوتىپ، حروموسومالارى ەكى جىنىسقا دا ساي كەلمەيتىن قىز جۇگىنگەن. ينتەرسەكسۋالدار قۇقىقتارى ءۇشىن كۇرەسۋشى بەلسەندىلەر سوتتىڭ مۇنداي شەشىمىن «كىشكەنە ريەۆوليۋسيا» دەپ اتاعان.

كونستيتۋسيالىق سوت 2018 جىلدىڭ اياعىنا دەيىن قوسىمشا جىنىستى زاڭداستىرۋى ءتيىس دەگەن شەشىم قابىلدادى.

قۇجاتتاردا بۇل جىنىس «ينتەر» نەمەسە «باسقا» دەپ بەلگىلەنەتىن بولادى.

ينتەرسەكسۋالدار – ايەلگە دە، ەرگە دە بىردەي ءتان بەلگىلەرگە يە ادامدار. بۇۇ مالىمەتتەرى بويىنشا، جەر شارى تۇرعىندارىنىڭ  1،7% وسى توپقا جاتاتىن ادامدار.