د. اقىشيەۆ «Bank RBK» بانكى» اق-تى قالىپقا كەلتىرۋ شارالارى تۋرالى ايتىپ بەردى، دەپ حابارلايدى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ.
ۇلتتىق بانك ق ر ۇكىمەتىمەن جانە «قازاقمىس كورپوراسياسى» ج ش س ارقىلى الەۋەتتى ينۆەستورمەن بىرلەسىپ «Bank RBK» بانكى» اق-تى قالىپقا كەلتىرۋ شارالارىنىڭ كەشەنىن ازىرلەدى. بۇل تۋرالى ۇكىمەت وتىرىسىنىڭ قورىتىندىسى بويىنشا جۋرناليستەر سۇراقتارىنا جاۋاپ بەرۋ كەزىندە ق ر ۇلتتىق بانكىنىڭ ءتوراعاسى دانيار اقىشيەۆ ايتىپ بەردى.
قازىرگى ۋاقىتتا «Bank RBK» بانكى» اق (بۇدان ءارى – بانك) وتىمدىلىكتىڭ جەتكىلىكتى دەڭگەيىن قامتاماسىز ەتۋمەن بايلانىستى قيىندىقتاردى باستان كەشىرىپ وتىرعانى بەلگىلى. سوعان بايلانىستى بانكتىڭ كليەنتتىك تولەمدەردى ۋاقتىلى جۇزەگە اسىرۋى شەكتەۋلى. بۇرىن حابارلانعانداي، ۇلتتىق بانك ق ر ۇكىمەتىمەن جانە الەۋەتتى ينۆەستورلارمەن بىرلەسىپ كەلىسسوزدەر جۇرگىزدى، سونىڭ ناتيجەسىندە بانكتى قالىپقا كەلتىرۋ جونىندە شارالار كەشەنى ازىرلەندى. دانيار اقىشيەۆ قالىپقا كەلتىرۋ مودەلى بانكتى ينۆەستورلاردىڭ 160 ملرد. تەڭگە سوماسىنداعى قاراجاتى ەسەبىنەن كاپيتالداندىرۋدى جانە بانكتىڭ ورنىقتى دامۋىن قامتاماسىز ەتۋ ماقساتىندا ينۆەستورلاردىڭ ونىڭ بيزنەس-مودەلىن ودان ءارى جەتىلدىرۋىن بولجايتىنىن ايتىپ بەردى. سونىمەن قاتار شارالار كەشەنى اكسيونەرلەر مەن باسقا بايلانىستى تۇلعالارعا بەرىلگەن شامامەن 600 ملرد. تەڭگە سوماسىنداعى پروبلەمالىق پورتفەلدى جەكە ارنايى قارجى كومپانياسىنا بەرۋدى كوزدەيدى.
ۇلتتىق بانك باسشىسى ارنايى قارجى كومپانياسىنا بەرىلگەن مىندەتتەمەلەرگە بەرىلگەن پورتفەلدەن تۇسەتىن تۇسىمدەر ەسەبىنەن قىزمەت كورسەتىلەتىنىن ناقتىلادى. «جاقىن ۋاقىتتا ۇلتتىق بانك باسقارماسى قازاقستان رەسپۋبليكاسى بانك سەكتورىنىڭ قارجىلىق ورنىقتىلىعىن ارتتىرۋ جونىندەگى باعدارلاماعا قاتىسۋ شەڭبەرىندە بانكتىڭ شامامەن 240 ملرد. تەڭگە سوماسىنداعى ءوتىنىمىن قارايدى»، - دەدى د. اقىشيەۆ.
ول جوعارىدا كورسەتىلگەن قالىپقا كەلتىرۋ شارالارى ۇلتتىق بانك قازىرگى ۋاقىتتا ىسكە اسىرىپ جاتقان، ۇلتتىق بانك باسقارماسىنىڭ 2017 جىلعى 30 ماۋسىمداعى № 129 قاۋلىسىمەن بەكىتىلگەن قازاقستان رەسپۋبليكاسى بانك سەكتورىنىڭ قارجىلىق ورنىقتىلىعىن ارتتىرۋ جونىندەگى باعدارلامانىڭ ءبىر بولىگى بولىپ تابىلاتىنىن اتاپ ءوتتى. جوعارىدا كورسەتىلگەن ءىس-شارالاردى ىسكە اسىرۋ ناتيجەسىندە بانكتەگى احۋال تۇراقتانادى دەپ كۇتىلەدى. «وتىمدىلىكتىڭ تۇسۋىنە قاراي جاقىن ارادا بانك الەۋمەتتىك تۇرعىدان ماڭىزدى تولەمدەر بويىنشا، سونداي-اق ۇساق جانە ورتا سالىمشىلاردىڭ دەپوزيتتەرى بويىنشا مىندەتتەمەلەردى ورىنداي باستايدى»، - دەپ اتاپ ءوتتى ۇلتتىق بانك باسشىسى.
قازىرگى كەزدە بانكتە جەكە تۇلعالار جالپى العاندا 28 139 شوت اشىپ، 188 ملرد. تەڭگەگە سالىم سالعان. سوعان بايلانىستى مەملەكەت ۇلتتىق بانك، ۇكىمەت جانە كۆازيمەملەكەتتىك سەكتور قاراجاتىنىڭ ەسەبىنەن بانككە قولداۋ كورسەتۋ تۋرالى شەشىم قابىلدادى. ۇلتتىق بانك بانكتىڭ اعىمداعى زيانعا اكەپ سوققان كرەديت ساياساتىن ىسكە اسىرۋى بولىگىندە بانكتىڭ ۋاكىلەتتى ورگاندارىنىڭ قىزمەتىنە تالداۋ جۇرگىزەدى، سودان سوڭ ءتيىستى ماتەريالدار ودان ءارى شارالار قابىلداۋ ءۇشىن قۇقىق قورعاۋ ورگاندارىنا جىبەرىلەتىن بولادى.
دانيار اقىشيەۆ «Delta Bankء-تى» بانكتىك جانە وزگە وپەراسيالار مەن باعالى قاعازدار نارىعىنداعى قىزمەتتى جۇزەگە اسىرۋعا ليسەنزياسىنان ايىرۋعا بايلانىستى احۋالدى ءتۇسىندىردى.
«وزدەرىڭىز بىلەتىندەي، «Delta Bankء-تى» ليسەنزياسىنان ايىرۋ تۋرالى شەشىم قابىلداندى. بۇعان مىناداي فاكتورلار نەگىز بولدى. ءبىرىنشى كەزەكتە، كرەديتتىك تاۋەكەلدەردى باسقارۋ جونىندەگى ىشكى راسىمدەردىڭ كەمشىلىكتەرى، ولار قارجىلىق جاي-كۇيى ورنىقسىز قارىز الۋشىلاردى كرەديتتەۋگە، سونداي-اق ساپالى كەپىلمەن قامتاماسىز ەتىلمەگەن قارىزدار بەرۋگە مۇمكىندىك بەردى، كرەديتتەر بويىنشا مەرزىمى وتكەن بەرەشەكتىڭ ايتارلىقتاي وسۋىنە الىپ كەلدى. ماسەلەن، 2017 جىلعى 1 قازاندا مەرزىمى وتكەن بەرەشەگى بار قارىزدار بانكتىڭ نەسيە پورتفەلىنىڭ 99،7%-ىن (314،8 ملرد. تەڭگەنى) قۇرادى.
ەكىنشىدەن، ليسەنزياسىنان ايىرۋ تۋرالى شەشىم قابىلداۋ ساتىندە بانكتىڭ كوررەسپوندەنتتىك شوتتارىنداعى جانە كاسساسىنداعى اقشا قالدىعى 215،1 ملن. تەڭگەنى قۇرادى. سونىمەن قاتار، دەپوزيتورلار مەن كرەديتورلار الدىنداعى مەرزىمى وتكەن مىندەتتەمەلەر سوماسى شامامەن 79،8 ملرد. تەڭگەنى قۇرادى، - دەدى د. اقىشيەۆ. ول بانك كاپيتالىنىڭ قابىلدانعان تاۋەكەلدەرگە بارابار ەمەس جانە وتىمدىلىكتىڭ تومەن كورسەتكىشى جاعدايلارىندا بانكتى قارجىلاي قولداۋدى قامتاماسىز ەتۋدىڭ اسا قاجەتتىلىگىن اتاپ ءوتىپ، بانك قىزمەتىن قاداعالاۋ شەڭبەرىندە ۇزاق كەزەڭ بويى «Delta Bank» اق-تىڭ مەنەدجمەنتى مەن ونىڭ اكسيونەرلەرى اراسىندا ۇلتتىق بانكتىڭ اشىق ديالوگ جۇرگىزگەنىن اتاپ ءوتتى. سوعان قاراماستان، بانكتىڭ ءىرى اكسيونەرى تاراپىنان بانكتى بارابار قارجىلىق قولداۋ جۇزەگە اسىرىلعان جوق.
سونداي-اق د. اقىشيەۆتىڭ ايتۋى بويىنشا، بانكتىڭ اكتيۆتەرى مەن مىندەتتەمەلەرىنىڭ بانك سەكتورىنىڭ جيىنتىق اكتيۆتەرى مەن مىندەتتەمەلەرىندەگى ۇلەسىنىڭ تومەن (1%) بولۋىنا بايلانىستى بانكتى ليسەنزيادان ايىرۋ باسقا قارجى ۇيىمدارىن تاۋەكەلدەرگە ۇشىراتپايدى.
«2017 جىلعى 2 قاراشادان باستاپ ۋاقىتشا اكىمشىلىك تاعايىندالدى، وعان بانكتىڭ بارلىق باسقارۋ ورگاندارىنىڭ وكىلەتتىكتەرى ءوتتى. ۋاقىتشا اكىمشىلىك سوت تاراتۋ كوميسسياسىن تاعايىنداعانعا دەيىن جۇمىس ىستەيتىن بولادى.
قورىتىندىلاي كەلە ول، بانك جەكە تۇلعالاردىڭ دەپوزيتتەرىنە مىندەتتى كەپىلدىك بەرۋ جۇيەسىنىڭ قاتىسۋشىسى بولىپ تابىلاتىنىن اتاپ ءوتتى. تەڭگەمەن جانە شەتەل ۆاليۋتاسىمەن دەپوزيتتەر، تولەم كارتوچكالارىنداعى جانە بانك شوتتارىنداعى اقشا قازاقستاننىڭ دەپوزيتتەرگە كەپىلدىك بەرۋ قورىنىڭ كەپىلدىگىمەن قورعالعان.
سونىمەن قاتار، ۇلتتىق بانك ءتوراعاسى دانيار اقىشيەۆ Whatsاpp پايدالانۋشىلارى اراسىندا تاراتىلعان «كازكوممەرسبانك» اق-تاعى قارجىلىق احۋالدىڭ ناشارلاعاندىعى تۋرالى مالىمەتتەردىڭ شىندىققا جاناسپايتىندىعىن راستادى
«بانك ادەتتەگىدەي رەجيمدە جۇمىس ىستەيدى. كارتوچكالىق، جەكە جانە دەپوزيتتىك شوتتاردا اقشا الۋ بويىنشا ەشقانداي شەكتەۋلەر جوق»، - دەدى د. اقىشيەۆ ق ر ۇكىمەتىنىڭ وتىرىسى اياقتالعاننان كەيىن جۋرناليستەردىڭ سۇراقتارىنا جاۋاپ بەرە وتىرىپ.
ول اعىمداعى جىلعى شىلدەدە «كازكوممەرسبانك» اق-تىڭ «قازاقستان حالىق بانكى» اق-تىڭ ەنشىلەس بانكى بولعاندىعىن، ونىڭ ناتيجەسىندە Halyk قارجى توبىنىڭ تمد ءىرى جەكە قارجى قۇرىلىمدارىنىڭ ۇشتىگىنە كىرگەندىگىن اتاپ ءوتتى.
«حالىق توبىنىڭ قۇرامىندا جانە ونىڭ قارجىلاي قولداۋىمەن كازكوممەرسبانك ق ر ۇلتتىق بانكىنىڭ كاپيتال جانە وتىمدىلىك جەتكىلىكتىلىگى جونىندەگى نەگىزگى نورماتيۆتەرىن ساقتاي وتىرىپ، دەربەس قارجى ينستيتۋتى رەتىندە جۇمىس ىستەيدى»، - دەدى د. اقىشيەۆ.
قورىتىندىسىندا ول جالعان اقپارات تاراتۋ فاكتىلەرى بويىنشا ۇلتتىق بانكتىڭ قۇقىق قورعاۋ ورگاندارىنا ءوتىنىش بەرەتىندىگىن اتاپ ءوتتى. بجزق زەينەتاقى اكتيۆتەرىنىڭ مولشەرى 2017 جىلعى 1 قازانداعى جاعداي بويىنشا 7 544،7 ملرد. تەڭگە بولدى 2017 جىلعى 1 قازانداعى جاعداي بويىنشا ۇلتتىق بانكتىڭ سەنىمگەرلىك باسقارۋىنداعى بجزق زەينەتاقى اكتيۆتەرىنىڭ مولشەرى 7 544،7 ملرد. تەڭگە بولدى.
«2017 جىلعى 9 ايدا سالىمشىلاردىڭ شوتتارىنا بولىنگەن بجزق زەينەتاقى اكتيۆتەرى بويىنشا «تازا» ينۆەستيسيالىق كىرىستىڭ مولشەرى 462،2 ملرد. تەڭگە بولدى. بجزق زەينەتاقى اكتيۆتەرىنىڭ كىرىستىلىگى 2017 جىلعى 9 ايدا 6،68%، ينفلياسيا وسى كەزەڭ ءۇشىن 4،2% مولشەرىندە بولدى. وسىلايشا، اعىمداعى جىلدىڭ باسىنان بەرى وڭ ناقتى كىرىستىلىك 2،48% مولشەرىندە قامتاماسىز ەتىلدى»، - دەدى د. اقىشيەۆ.
ول سالىمشىلاردىڭ شوتتارىنا بولىنگەن بجزق زەينەتاقى اكتيۆتەرىنىڭ كىرىستىلىگى، ينفلياسيانىڭ دەڭگەيىمەن سالىستىرعاندا 2016 جىلعى قىركۇيەك – 2017 جىلعى قىركۇيەك ارالىعىنداعى كەزەڭ ءۇشىن – جىلدىق 7،33%، جىلدىق 7،10% ينفلياسيا بولعاندىعىن ينفلياسيا كەزىندە وڭ ناقتى كىرىستىلىكتىڭ 0،23% مولشەرىندە قالىپتاسقاندىعىن اتاپ ءوتتى. ۆاليۋتا نارىعىنداعى جاعداي تۇراقتى، دەپ مالىمدەدى د. اقىشيەۆ.
