2015 جىلى قازاقستاندا تەڭگەنىڭ ايىرباس باعامىنىڭ شۇعىل اۋىتقۋلارىنا جول بەرىلمەيتىن بولادى، - دەپ حابارلايدى تengrinews.kz تءىلشىسى. قازاقستان ۇكىمەتى مەن ۇلتتىق بانكتىڭ ەكونوميكالىق ساياساتتىڭ 2015 جىلعا ارنالعان نەگىزگى باعىتتارى تۋرالى ءتيىستى مالىمدەمەسى primeminister.kz سايتىندا جاريالاندى.
"ۆاليۋتالىق ساياسات كازاقستاندىق ەكونوميكانىڭ ىشكى جانە سىرتقى باسەكەگە قابىلەتتىلىگى اراسىنداعى تەپە-تەڭدىكتى قامتاماسىز ەتۋگە باعىتتالادى. سونىمەن بىرگە، تەڭگەنىڭ ايىرباس باعامىنىڭ شۇعىل اۋىتقۋلارىنا جول بەرىلمەيدى. ۆاليۋتا نارىعىندا الىپساتارلىقتى شەكتەۋ بويىنشا شارالار قابىلدانادى. 2015 جىلى ۇلتتىق بانك ۇكىمەتپەن بىرلەسىپ، قولما-قول شەتەلدىك ۆاليۋتا نارىعىندا ايىرباس پۋنكتتەرىنىڭ قىزمەتىنە قويىلاتىن تالاپتاردى ارتتىرۋ بولىگىندە زاڭناماعا وزگەرىستەر ەنگىزەدى"، - دەلىنگەن مالىمدەمەدە.
ۇلتتىق ۆاليۋتانىڭ ەكونوميكاداعى ءرولىن ارتتىرۋ ماقساتىندا مىناداي شارالار قابىلداناتىن بولادى: تەڭگەدەگى جيناقتاردى ىنتالاندىرۋ ماقساتىندا "قازاقستاندىق دەپوزيتتەرگە كەپىلدىك بەرۋ قورى" اق-نىڭ تەڭگەدەگى دەپوزيتتەر بويىنشا تولەيتىن سالىمشىلار ءۇشىن كەپىلدىكتى سوماسى كاپيتالداندىرۋدى ۇلعايتا وتىرىپ، 5 ميلليون تەڭگەدەن 10 ميلليون تەڭگەگە دەيىن ۇلعايتىلادى جانە حالىقتىڭ دوللارداعى كەپىلدىك بەرىلەتىن دەپوزيتتەرى بويىنشا ۇسىنىم بەرىلەتىن سىياقى مولشەرلەمەسىنىڭ ەڭ جوعارى مولشەرى جىلدىق 4 %-دان 3%-عا دەيىن تومەندەتىلەدى.
سونىمەن بىرگە، تاۋارلار مەن كورسەتىلەتىن قىزمەتتەردىڭ باعالارىن شارتتى بىرلىكتەرمەن بەلگىلەۋگە تىيىم سالىنادى.
