قازاقستاندا ءدىني مازمۇنداعى 244 سايتتى جابۋعا ۇسىنىس بەرىلدى، - دەپ حابارلايدى Tengrinews.kz ءتىلشىسى ق ر مادەنيەت جانە سپورت مينيسترلىگىنىڭ ءدىن ىستەرى كوميتەتىنىڭ ءتوراعاسى عالىم شويكينگە سىلتەمە جاساپ.

"بۇگىندە ءبىز ينتەرنەت-كەڭىستىكتەگى ءدىني مازمۇنداعى دەسترۋكتيۆ اقپاراتتارى بار سايتتاردى انىقتاۋعا مونيتورينگ جۇرگىزىپ جاتىرمىز. اتاپ ايتقاندا، 2014 جىلى ءبىزدىڭ كوميتەتتىڭ ءوزى ءدىني مازمۇنداعى 8000-نان استام سايتقا تالداۋ جۇرگىزدى. 244 سايت بويىنشا ءتيىستى ساراپتاما جاسالدى، سونىڭ نەگىزىندە ولارعا قازاقستان اۋماعىندا تىيىم سالۋ ءۇشىن ماتەريالدار ءتيىستى ورگاندارعا جولداندى"، - دەپ مالىمدەدى شويكين وكق-نىڭ ءدىني ساۋاتتىلىق تاقىرىبىنداعى بريفينگىندە.

ونىڭ ايتۋىنشا، 100-دەن استام بەينەماتەريالعا تالداۋ جاسالدى، ساراپتاما ناتيجەسىندە ولارعا تەرىس باعا بەرىلدى، بۇل ماتەريالداردى دا قازاقستان اۋماعىندا تاراتۋعا تىيىم سالىندى.

بۇعان دەيىن قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين راديكال مازمۇنداعى سايتتارعا تىيىم سالۋدىڭ دۇرىس ەكەنىن ايتقان بولاتىن. ال باس پروكۋروردىڭ ورىنباسارى اندرەي كراۆچەنكو قازاقستاندا ەكسترەميستىك جانە تەرروريستىك سيپاتتاعى ماتەريالداردى تاراتۋدىڭ جولىن كەسۋگە مۇمكىندىك بەرەتىن جەكە نورما بار ەكەنىن مالىمدەدى.