بۇۇ-نىڭ گۋمانيتارلىق سۇراقتار جونىندەگى باسشىسىنىڭ ورىنباسارى مارك لوۋكوك يەمەن سوڭعى بىرنەشە ونجىلدىقتا بولماعان ەڭ قاتتى اشتىققا ءتۇسۋ ءقاۋپى الدىندا تۇر دەپ مالىمدەدى.
ساۋد ارابياسى كواليسياسى جەتەكشىلىگىمەن جاسالعان وقشاۋلاۋ تاسىلدەرى الىنباسا، يەمەنگە گۋمانيتارلىق كومەك كورسەتۋ قالپىنا كەلتىرىلمەسە، جاعداي قيىن بولادى دەپ حابارلايدى ريا نوۆوستي.
«مۇنداي شارالارعا تىيىم سالىنبايىنشا، يەمەندە اشتىق بولادى. بۇل اشتىق ادامزات تاريحىنداعى ەڭ اۋىر ءارى قيىن اشتىق بولماق جانە ونىڭ قۇرباندارى ميلليونداعان ادامعا جەتۋى مۇمكىن»-دەلىندى بۇۇ-دا.
يەمەندە ازامات سوعىسى 2014 جىلدان بەرى جالعاسىپ كەلەدى. وسىنىڭ سالدارىنان تۇرعىنداردىڭ جارتىسى اۋىر گۋمانيتارلىق جاعدايدى باستان وتكەرۋدە.
وسى دۇيسەنبىدە، اراب كواليسياسى يەمەننىڭ تەڭىز، اۋە، تەمىرجول پورتتارىن جاباتىنىن مالىمدەدى. مۇنىڭ بارلىعى يەمەننىڭ حۋسيت-كوتەرىلىسىشىلەرىنىڭ ەر-ريادعا زىمىران جىبەرۋىنەن كەيىن ورىن الدى.
ال، بۇۇ بولسا، ءوز كەزەگىندە يەمەننىڭ بارلىق پورتتارىنىڭ جابىلۋىنا قاتىستى وزدەرىنىڭ الاڭداۋشىلىقتارىن ءبىلدىردى.
