قازاقستان پرەزيدەنتى نۇرسۇلتان نازاربايەۆ قوستاناي قالاسىنا بارعان ساپارىندا تەننيس ورتالىعىندا بولىپ، 6 تەننيس كورتى، سونىڭ ىشىندە 3 جابىق كورتى بار كەشەن اۋماعىن ارالاپ كوردى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
سونىمەن بىرگە، مەملەكەت باسشىسى جاس تەننيسشىلەرمەن كەزدەسىپ، اڭگىمەلەستى.
سوڭىندا قازاقستان پرەزيدەنتى سپورتشىلارعا مىقتى دەنساۋلىق پەن جارقىن جەڭىستەر تىلەدى.
ايتا كەتۋ كەرەك، سپورت كەشەنى 2015 جىلى جەرگىلىكتى بيۋدجەت ەسەبىنەن سالىنعان.
2016 جىلدىڭ باسىنان بەرى اشىق جانە جابىق كورتتاردا بىرنەشە رەسپۋبليكالىق جاسوسپىرىمدەر ءتۋرنيرى، سونداي-اق اۋەسقويلار مەن ارداگەرلەردىڭ تۋرنيرلەرى ءوتتى.
سونىمەن قاتار قوستاناي قالاسىنىڭ وڭتۇستىك-شىعىس بولىگىندە ورنالاسقان كۇش قولدانىلاتىن سپورت تۇرلەرى اكادەمياسىنا باردى.
ەلباسى سپورت زالىن ارالاپ كورىپ، جەرگىلىكتى سپورتشىلارمەن، سونداي-اق قازاقستاننىڭ اۋىر اتلەتيكادان جاسوسپىرىمدەر قۇراماسىنىڭ مۇشەلەرىمەن اڭگىمەلەستى.
اكادەميا سپورتتىڭ اۋىر اتلەتيكا، پاۋەرليفتينگ، بوديبيلدينگ، ارمرەستلينگ سياقتى تۇرلەرىنەن سپورتشىلار دايىندايدى.
